მსოფლიო

ობამა რუსეთის მიმართ რბილ პოლიტიკას აწარმოებდა- დონალდ ტრამპი

ამერიკის პრეზიდენტი დონალდ ტრამპი მიიჩნევს, რომ მისი წინამორბედი ბარაქ ობამა, რუსეთის მიმართ რბილ პოლიტიკას აწარმოებდა.

ამის შესახებ ტრამპმა დაახლოებით ერთი საათის წინ, Twitter-ის პირად გვერდზე დაწერა.

„ყირიმი რუსეთმა ობამას ადმინისტრაციის დროს მიიერთა. იყო თუ არა ობამა ზედმეტად რბილი რუსეთის მიმართ?“,-დაწერა ამერიკის პირველმა პირმა.

დღესვე, რუსეთის პრეზიდენტის პრეს-მდივანმა, თეთრი სახლის პრეს-მდივნის მიერ გუშინ გაკეთებულ განცხადებას გამოეხმაურა, რომლის მიხედვით, დონალდ ტრამპი მოსკოვისგან ყირიმის დაბრუნებას ელოდება.

დიმიტრი პესკოვმა განაცხადა, რომ კრემლი ამ საკითხსზე არავისთან საუბარს არ აპირებს, რადგან „რუსეთი უცხოელ პარტნიორებთან საკუთარ ტერიტორიებზე არ საუბრობს“.

მონიკა დავლიანიძე