უკან

უახლესი ამბები

დღის კალენდარი

ანონსები

არქივი

პოლიტიკა

23 აპრილი, 2019 20:16
font-size

„ომეგა ჯგუფის“ მენეჯერი: კომპანიას ძირს უთხრიან ივანიშვილის მითითებით

„გაქვთ მითითება ძირგამომთხრელი პოლიტიკა აწარმოოთ კომპანია „ომეგას“ წინააღმდეგ და ამ მითითებას იღებთ ბიძინა ივანიშვილისგან“, - განცხადა „ომეგა ჯგუფის“ გენერალურმა მენეჯერმა ლევან აღდგომელაშვილმა პარლამენტის საფინანსო-საბიუჯეტო კომიტეტში, სადაც ფრაქცია „ევროპული საქართველოს“ მოთხოვნით მისული იყო ფინანსთა მინისტრი, ივანე მაჭავარიანი.

ლევან აღდგომელაშვილის თქმით, 5 მარტს „ომეგას“ წარმომადგენლებმა ფინანსთა სამინისტროსა და შემოსავლების სამსახურს შესთავეზეს, რომ კომპანია გრაფიკით სრულად გადაიხდიდა როგორც ძირითად გადასახადს, ასევე საურავს, თუმცა, აღდგომელაშვილის თქმითვე, „ომეგამ“ შეთავაზებაზე უარი მიიღო.

ფინანსთა მინისტრს, დეპუტატების მწვავე კითხვების გარდა, „ომეგა ჯგუფის“ წარმომადგენლების კითხვებზე პასუხის გაცემამაც მოუწია.

აღდგომელაშვილმა მინისტრს ჰკითხა, არის თუ არა ბიძინა ივანიშვილის დავალებები იმის მიზეზი, რომ ფინანსთა სამინისტრო კომპანიასთან მიმართებაში დესტრუქციულ გზას ირჩევს.

„როდესაც გქონდათ ბიძინა ივანიშვილის მითითება, რომ ცა გახსნილიყო „ომეგას“ თავზე, მაშინ თანახმა იყავით ამ საურავის შემცირებაზე. ჩვენ ამ საურავის გადახდაც შემოგთავაზეთ 5 მარტს, მაგრამ თქვენი წინადადება იყო უარყოფითი. მაინტერესებს, რატომ? დამიკონკრეტეთ კანონის მუხლი, რომლის საფუძველზეც თქვენ და შემოსავლების სამსახური კომპანიას არ აძლევთ აქციზურ მარკებს.

"მიუხედავად იმისა, რომ ბიუჯეტი სრულ თანხას ვერ აიღებდა, ასევე ჯერ პირველი ეტაპი დაუჯდა ბიუჯეტს ნახევარ მილიონზე მეტი და ათობით მილიონი დაგიჯდება სტოკჰოლმის საერთაშორისო არბიტრაჟში შემდგომი დავა, მაინც აირჩიეთ ეს დესტრუქციული გზა და არ ირჩევთ იმ შემოთავაზებას და არ თანხმდებით, რომელსაც გთავაზობდათ „ომეგა „ კონკრეტულად 5 მარტს, თუმცა, შემდგომაც იყო შემოთავაზება.

მაინტერესებს კიდევ ერთი, რომ არ იყოს ასეთი მითითება, მე მესმის თქვენი მძიმე მდგომარეობისა, რომ არ იყოს ასეთი მითითება, ძირისგამომთხრელი პოლიტიკა აწარმოოთ „ომეგას“ წინააღმდეგ და მითითებას თქვენ ღებულობთ, იცით, საიდანაც, ბიძინა ივანიშვილისგან, თქვენ ამ დესტრუქციულ გზას აირჩევდით თუ არ აირჩევდით?" - მიმართა მინისტრს აღდგომელაშვილმა.

მინისტრის განცხადებით, „ომეგა ჯგუფს“ სამი წელია, თანხა არ გადაუხდია. 5 მარტის მიმართვაში კი, რომელზეც ლევან აღდგომელაშვილი საუბრობს, მინისტრის თქმით, სამი წლის განმავლობაში ვალის გაყინვას გულისხმობს და შემდეგ კი ნაწილ-ნაწილ გადახდას.

„აგერ წერია, რა შემოვიდა 5 მარტს - ვალის დაფარვის ვადა. აქედან სამი წლის განმავლობაში უნდა მოხდეს დავალიანების გაყინვა, ხოლო შემდეგი შვიდი წელი ყოველკვარტლურად 2-2 მილიონს გადავიხდიო. ამაზე უარს რომ იღებენ, ამბობენ, რომ მე სრულ თანხას ვიხდიო. სამი წელი საერთოდ კაპიკი არ გადაუხდიათ. ეგეთი საგადასახადო შეთანხმება სადმე თუ გაგიგიათო,“ - უპასუხა მაჭავარიანმა.

მისი თქმით, "ხელისუფლება და ყველა შესაბამისი სტრუქტურა არავისთან ისე მართალი არ ყოფილა, როგორც „ომეგასთან".

„სამართალს რაც შეეხება, სტოკჰოლმში არანაირი პროცესი არავის არ წაუგია, მე როგორც ვიცი, იქ მოხდა კონკრეტული რაღაც გადაწყვეტილების შეჩერება,“ - განაცხადა მინისტრმა.

საქართველოს თავდაცვის მინისტრსა და აშშ-ის თავდაცვის მდივანს შორის სატელეფონო საუბარი შედგა

4 მარტი, 2021 , 20:16

საქართველოს თავდაცვის მინისტრს, ჯუანშერ ბურჭულაძესა და ამერიკის შეერთებული შტატების თავდაცვის მდივანს, ლოიდ ოსტინს შორის სატელეფონო საუბარი შედგა. თავდაცვის უწყების ხელმძღვანელებმა თავდაცვის სფეროში ორმხრივი სტრატეგიული

არაფერს დავთმობთ პრინციპულს, მოლაპარაკებებში გადაწყვეტილებებს მიხეილ სააკაშვილი არ იღებს - ელენე ხოშტარია

4 მარტი, 2021 , 19:17

პოლიტიკოსი ელენე ხოშტარია Facebook-ის საკუთარ გვერდზე წერს: „არაფერს არ დავთმობთ პრინციპულს, პოლიტპატიმრები გამოვლენ და ვადამდელი იქნება, დანარჩენი ტაქტიკის ამბავია, რომელიც ჩვენ კისერზე და ტყავზე გადადის. მოლაპარა

პლებისციტი არის დავის გადაჭრის ძალიან დემოკრატიული გზა - ბადრი ჯაფარიძე

4 მარტი, 2021 , 19:00

ლელოს ერთერთი ლიდერის ბადრი ჯაფარიძის განცხადებით, პარტიის პოზიცია არ შეცვლილა და პლებისციტს კომპრომისად განიხილავენ. ასე ეხმაურება ის  ფორმულას  გადაცემა  კომენტარში  საქართველოს ყოფილი პრეზიდენ

ახლა მთავარია, ივანიშვილი სააკაშვილის ჯინაზე პლებისციტს დათანხმდეს - გიგა ბოკერია

4 მარტი, 2021 , 18:25

„ევროპული საქართველოს“ ერთ-ერთი ლიდერის, გიგა ბოკერიას განცხადებით, ოპოზიციური პარტიების მთავარი მოთხოვნა ახალი არჩევნები და მელიასა და რურუას გათავისუფლებაა, თუმცა კომპრომისის სახით განიხილავენ პლებისციტსაც.

მე მოცეკვავე არ ვარ, მაგრამ ვმღეროდი ქართულ ხალხურ სიმღერებს და ვიცი, რომ მრავალხმიანობა მნიშვნელოვანია - შალვა პაპუაშვილი ერთპარტიულობაზე

4 მარტი, 2021 , 17:15

პარლამენტის განათლების, მეცნიერებისა და კულტურის კომიტეტის თავმჯდომარის პირველი მოადგილემ შალვა პაპუაშვილმა "დღის კურიერის" ეთერში განაცხადა, რომ საქართველოს პარლამენტისთვის, ისევე როგორც ქართული სიმღერისთვის, მრავალხმია

თუ ანაკლიის პორტის აშენება მართლა სურთ, შეწყვიტონ აბსურდული საქმე, დაარწმუნონ ინვესტორი პორტის აშენების განზრახვის სერიოზულობაში - გიგლა მიქაუტაძე

4 მარტი, 2021 , 16:55

თუ პორტის აშენება მართლა სურთ, შეწყვიტონ აბსურდული საქმე, სერიოზულად დაელაპარაკონ არსებულ ინვესტორებს, დაარწმუნონ ისინი პორტის აშენების განზრახვის სერიოზულობაში და პორტის მშენებლობა რამდენიმე თვეში განახლდება, - ასე ეხმა