უკან

უახლესი ამბები

დღის კალენდარი

ანონსები

არქივი

პოლიტიკა

16 ოქტომბერი, 2017 15:50
font-size

ოპოზიციური პარტიები საარჩევნო პროცესში გამოვლენილი დარღვევების შესახებ ერთობლივ განცხადებას ავრცელებენ

ოპოზიციური პარტიები საარჩევნო პროცესში გამოვლენილი დარღვევების შესახებ ერთობლივ განცხადებას ავრცელებენ.

როგორც განცხადებაშია აღნიშნული არჩევნების მოახლოებასთან ერთად, ,,განსაკუთრებით აქტუალური გახდა წინასაარჩევნო პერიოდში ადმინისტრაციული რესურსების საარჩევნო მიზნებისთვის გამოყენების და ოპოზიციის კანდიდატებსა და მხარდამჭერებზე განხორციელებული ზეწოლის ფაქტები:

1. ადმინისტრაციული რესურსის გამოყენება საარჩევნო მიზნებისთვის:

უპრეცენდენტო სახე აქვს ადმინისტრაციული რესურსის საარჩევნო მიზნებისთვის გამოყენებას:
ხელისუფლების უმაღლესი თანამდებობის პირები მუდმივად და აქტიურად მონაწილეობენ წინასაარჩევნო კამპანიის ფარგლებში მმართველი პარტიის მიერ ორგანიზებულ ღონისძიებებში, რაც ცალსახად წარმოადგენს ადმინისტრაციული რესურსის გამოყენებას.

„ქართული ოცნების“ კანდიდატების შეხვედრებში რეგულარულად მონაწილეობენ საჯარო ბაგა-ბაღებსა და სკოლებში დასაქმებული პირები.

ამას გარდა, მედიაში გავრცელდა ჩანაწერები, რომლებიც ადასტურებს, რომ ბაგა-ბაღებში დასაქმებულ პირებს ბაღების სააგენტოს დირექტორის მოადგილე ნიკოლოზ თორდაძე მმართველი პარტიის მხარდამჭერი სიების შეგროვებას ავალებს.

ადიგენში ოლქში, სოფელ ირგანჩაიში დაფიქსირდა სახელისუფლებო პარტიის წარმომადგენლების მხრიდან მუსლიმ მოსახლეობაზე ზეწოლის შემთხვევები, კერძოდ, მმართველი პარტიის დმანისის შტაბის იურისტი, ემზარ პეტრიაშვილი ადგილობრივებს აიძულებდა ყურანზე დაფიცებას, რომ არჩევნებში „ქართულ ოცნებას“ დაუჭერდნენ მხარს.

თბილისის მერიამ წინასაარჩევნოდ ბიუჯეტის სახსრებით დაამზადა სარეკლამო რგოლი სახელწოდებით „გაკეთდა თბილისისთვის“, სადაც საუბარია „ქართული ოცნების“ ადმინისტრაციის პირობებში თბილისის მერიის მიერ განხორციელებულ პროექტებზე. აღნიშნულთან დაკავშირებით დარღვევა ასევე დაადასტურა კომუნიკაციების ეროვნულმა კომისიამ.
ზესტაფონში, N51/02 შორაპნის მაჟორიტარულ ოლქში „ქართული ოცნების“ კანდიდატი კობა გოჩელეიშვილი პირადად და მისი შტაბის წევრები მონაწილეობას იღებენ გზის დაგების სამუშაოებში და ეწევიან მმართველი პარტიის სასარგებლო აგიტაციას. შესაბამისი ვიდეო-მტკიცებულება საჩივართან ერთად 14 ოქტომბერს (არჩევნებამდე 7 დღით ადრე) წარედგინა ზესტაფონის საოლქო საარჩევნო კომისიას, მაგრამ კომისიამ „მოკველვისთვის“ განისაზღვრა 15 დღის ვადა.
14 ოქტომბერს გაიმართა მაღალმთიან სოფლებში გზის გაყვანის სამუშაოებთან დაკავშირებული სახელმწიფო პროექტის პრეზენტაცია, რომელსაც „ქართული ოცნების“ დეპუტატი ზაქარია ქუცნაშვილი ხელმძღვანელობდა.

16 ოქტომბერს (არჩევნებამდე 5 დღით ადრე) დაგეგმილია თბილისში ახალი მეტროსადგურის გახნა.

სამწუხარო ტრადიციად იქცა პროკურატურისა და სხვა უწყებების წინასაარჩევნოდ გამოყენება. როგორც წესი, ყველა არჩევნების წინ პროკურატურა გამოდის განცხადებებით გახმაურებული საქმეების უახლოეს ხანებში მოსალოდნელი გახსნის ან გახმაურებულ საქმეებთან დაკავშირებული პირების დასჯის შესახებ. თუმცა არჩევნების შემდეგ ეს საქმეები იკვლავ იყინება. ამჯერად, არჩევებამდე ზუსტად ერთი კვირით ადრე, პროკურატურამ გააკეთა განცხადება 26 მაისს დაკავებული პირების მიმართ ფიზიკური და ფსიქოლოგიური ზეწოლის განხორციელების გამო კონკრეტული პირების დაკავებასთან დაკავშირებით. აღნიშნულ ფაქტს ჩვენ განვიხილავთ როგორც პროკურატურის რესურსის წინასაარჩევნოდ გამოყენებას, ვინაიდან აღნიშნული დანაშაულის შესახებ ცნობილია უკვე 5 წლის განმავლობაში, ხოლო პროკურატურამ მხოლოდ ახლა დააკავა ორი პირი, რომელიც 26 მაისის საქმესთან არის დაკავშირებული. ზუსტად ანალოგიურ შემთხვევას ჰქონდა ადგილი 2016 წლის საპარლამენტო არჩევნების დროსაც, როდესაც ასევე 26 მაისთან დაკავშირებული საკითხები სწორედ რომ არჩევნებამდე დაახლოებით 10 დღით ადრე გახდა საზოგადოებისათვის ცნობილი.

2. ზეწოლა ოპოზიციის კანდიდატებზე:

ხორციელდება ზეწოლას ოპოზიციის კანდიდატებზე სხვადასხვა ოლქებში:

ზესტაფონის მუნიციპალიტეტში გამგებლის - ტარიელ თუთარაშვილის და უსაფრთხოების სამსახურის თანამშრომლების ზეწოლით კანდიდატრურები მოხსნეს „დემოკრატიული მოძრაობა - თავისუფალი საქართველოს“ შორაპნის მაჟორიტარმა კანდიდატმა გოჩა ლაღუნდარიძემ და მეორე სხვირის მაჟორიტარმა კანდიდატმა - რომან ჯუღელმა. ასევე, ზეწოლა ხორციელდება ბლოკის სხვა კანდიდატებზე იმავე ზესტაფონის ოქლსა და რაჭა-ლეჩხუმში (უსაფრთხოების ადგილობრივი სამსახურის ხელმძღვანელი ლევან ჯმუხაძის მიერ). ასეთივე მდგომარეობაა ლაგოდეხის მუნიციპალიტეტში სოფელ კაბალის მაჟორიტარ კანდიდატ - შაჰინ მირზაევის მიმართ.

ასევე, ცაგერის N45 სარჩევნო ოლქში მერობის კანდიდატმა საარჩევნო ბლოკიდან ,,დიმიტრი ლორთქიფანიძე, კახა კუკავა-დემოკრატიული მოძრაობა-თავისუფალი საქართველო“, ბეჟან ღურჭუმელაძემ, არჩევნებამდე რამდენიმე დღით ადრე მოხსნა კანდიდატურა. კანდიდატურის მოხსნის მიზეზი გახლავთ ,,ქართული ოცნების“ წევრის, პარლამენტის მოქმედი დეპუტატის, კარლო კოპალიანის მიერ მის ნათესავებსა და ახლობლებზე ზეწოლა. აღნიშნული ფაქტის შემდეგ კანდიდატურა მოიხსნა ასევე ამავე ოქლში საინიციატივო ჯგუფის მიერ წარდგენილმა დამოუკიდებელმა კანდიდატმა ალუდა კვირიკაშვილმაც. ჩვენს არ გვაქვს დამამტკიცებელი საბუთი, რომ კვირიკაშვილი მოქმედებდა ზეწოლის ქვეშ, თუმცა მისი გადაწყვეტილება კანდიდატურის მოხსნის შესახებ ბადებს სერიოზულ ეჭვს, რადგანაც კანდიდატურის მოხსნამდე ორიოდე დღით ადრე იგი ჩვენი პარტიის წარმომადგენლებთან საუბრობდა მეორე ტურში გასვლის შემთხვევაში ჩვენი მხრიდან მის მხარდაჭერაზე.

ზეწოლის შედეგად, კანდიდატურა მოხსნა საარჩევნო ბლოკის ,,დიმიტრი ლორთქიფანიძე, კახა კუკავა-დემოკრატიული მოძრაობა-თავისუფალი საქართველო“ მერობის კანდიდატმა ზუგდიდში, ზურაბ ჯინჯოლავამ. ხოლო მაჟორიტარობის კანდიდატმა გურგენ სართანიამ კანდიდატურა მოხსნა საკუთარი სურვილით.

15 ოქტომბერს „ერთიანი ნაციონალური მოძრაობის” ზუგდიდის ორგანიზაციის ოთხმა წევრმა თვითმმართველობის არჩევნებიდან საკუთარი კანდიდატურა მოხსნა. საოლქო საარჩევნო კომისიაში შესაბამისი განცხადებით “ნაციონალური მოძრაობის” კორცხელის მაჟორიტარი დეპუტატობის კანდიდატმა გელა თოლორაიამ, ყულიშკარის მაჟორიტარი დეპუტატობის კანდიდატმა ლევან მაქაცარიამ, ცაიშის მაჟორიტარი დეპუტატობის კანდიდატმა გოდერძი კუკავამ და პროპორციული სიის წევრმა გიორგი თოფურიამ მიმართეს.

დამატებით, არჩევნებამდე რამდენიმე დღით ადრე ქვეყნის მასშტაბით საკუთარი კანდიდატურა მოხსნა 21 მერობის და 196 მაჟორიტარობის კანდიდატმა. შემაშფოთებელია და კითხვის ნიშნებს აჩენს ის ფაქტი, რომ ყველა მათგანი წარმოადგენდა სხვადასხვა ოპოზიციური პარტიისა თუ საინიციატივო ჯგუფის მიერ წარდგენილ კანდიდატურას და, პრაქტიკულად, არც ერთი მათგანი არ გახლდათ ,,ქართული ოცნების“ კანდიდატურა.

10 ოქტომბერს გაიტაცეს სენაკის 64-ე საარჩევნო ოლქის მე-15 უბნის კომისიის წევრი „დემოკრატიული მოძრაობა - თავისუფალი საქართველოდან“ 21 წლის ანატოლი ღვინჯილია. ორმა პირმა მას ძალის გამოყენებით უკანონოდ აღუკვეთა თავისუფლება და ავტომობილით გაიტაცა გაურკვეველი მიმართულებით, სადაც მასზე მოხდა ფიზიკური ანგარიშსწორება. მან მიიღო სხეულის მრავლობითი დაზიანება, რა დიაგნოზითაც იგი მოათავსეს ქუთაისის რეფერალურ საავადმყოფოში.
„შენების მოძრაობის“ დმანისის მერობის კანდიდატის საარჩევნო ბანერს უცნობმა პირებმა ცეცხლასროლი იარაღიდან რამდენჯერმე ესროლეს“, - ნათქვამია განცხადებაში, რომელსაც ხელს აწერენ:

მპგ ,,ახალი მემარჯვენეები“ მამუკა კაციტაძე
მპგ ,,ახალი საქართველო“ გიორგი ვაშაძე
მპგ ,,ახალი ქრისტიან-დემოკრატები“ გრიგოლ ჯოჯუა
მპგ ,,გაერთიანებული დემოკრატიული მოძრაობა“ ნინო ბურჯანაძე
მპგ ,,დემოკრატიული მოძრაობა-ერთიანი საქართველო“ დავით ასპანიძე
მპგ ,,ევროპელი დემოკრატები“ პაატა დავითაია
მპგ ,,ეროვნული ფორუმი“ სოსო ვახტანგიშვილი
,,შენების მოძრაობა“ დავით უსუფაშვილი
მპგ ,,ეროვნულ დემოკრატიული პარტია“ ბაჩუკი ქარდავა
მპგ ,,თავისუფალი საქართველო“ კახა კუკავა
მპგ ,,თავისუფლება“ კონსტანტინე გამსახურდია
მპგ ,,საქართველოს ლეიბორისტული პარტია“ შალვა ნათელაშვილი
მპგ ,,ტრადიციონალისტთა კავშირი“ აკაკი ასათიანი
მპგ ,,ძალოვან ვეტერანთა და პატრიოტთა პოლიტიკური მოძრაობა“ გია ბერძენიძე

პოლიტიკური გაერთიანება „რეფორმატორები“ ახალ თავმჯდომარეს აირჩევს

20 აპრილი, 2019 , 15:00

2019 წლის 21 აპრილს, 14:00 საათზე სასტუმრო „თბილისი მერიოტში“ (რუსთაველის გამზ. 13, საკონფერენციო დარბაზი) გაიმართება მოქალაქეთა პოლიტიკური გაერთიანება „რეფორმატორების“ მორიგი ყრილობა. ყრილობის დღ

სახელმწიფო უსაფრთხოების სამსახურის უფროსი საქართველოში ევროკავშირის ელჩს შეხვდა

20 აპრილი, 2019 , 12:15

სახელმწიფო უსაფრთხოების სამსახურის უფროსმა, ვახტანგ გომელაურმა საქართველოში ევროკავშირის ელჩთან, კარლ ჰარცელთან გაცნობითი ხასიათის შეხვედრა გამართა. როგორც სუს-ში აცხადებენ, მხარეებმა უსაფრთხოების მიმართულებით ევროკავშირ

საქართველოს პრეზიდენტსა და ესტონეთის პრეზიდენტს შორის სატელეფონო საუბარი შედგა

20 აპრილი, 2019 , 10:20

საქართველოს პრეზიდენტსა და ესტონეთის პრეზიდენტს შორის სატელეფონო საუბარი შედგა. საქართველოს პრეზიდენტის პრესსამსახურის ინფორმაციით, სატელეფონო საუბარი სალომე ზურაბიშვილის ინიციატივით გაიმართა. სალომე ზურაბიშვილმა მადლობა

გიორგი ქობულიასთან დაკავშირებით გადაწყვეტილება მივიღე მე - მამუკა ბახტაძე

19 აპრილი, 2019 , 15:40

საქართველოს პრემეირ-მინისტრი მამუკა ბახტაძე აცხადებს, რომ გიორგი ქობულიასთან გუშინაც ჰქონდა შეხვედრა და დღესაც ექნება მთავრობის სხდომის შემდეგ. ამის შესახებ მამუკა ბახტაძემ მთავრობის სხდომის დაწყებამდე განაცხადა ჟურნალის

ნათია თურნავას ამბიციური და მკაცრი დავალებები ექნება შესასრულებელი - მამუკა ბახტაძე

19 აპრილი, 2019 , 14:25

საქართველოს პრემიერ-მინისტრმა, მამუკა ბახტაძემ ეკონომიკისა და მდგრადი განვითარების მინისტრად ნათია თურნავა წარადგინა. როგორც მამუკა ბახტაძემ აღნიშნა, დავალებები, რომელიც ახალ მინისტრს ექნება შესასრულებელი იქნება ამბიციურ

საქართველოსა და სერბეთს შორის ევროინტეგრაციის საკითხებზე ორმხრივი დიალოგი გაიმართა

19 აპრილი, 2019 , 13:30

საქართველოს საგარეო საქმეთა სამინისტროში საქართველოსა და სერბეთს შორის ევროინტეგრაციის საკითხებზე ორმხრივი დიალოგის მორიგი შეხვედრა გაიმართა. სერბეთის დელეგაციას ევროკავშირთან ინტეგრაციის პროცესში სერბეთის მთავარი მომლაპ

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019