რეგიონები

ოზურგეთში საცხოვრებელ კორპუსთან ავტომობილი ააფეთქეს

გვიან ღამით, ოზურგეთში, იოანე პეტრიწის ქუჩაზე, 12-სართულიან საცხოვრებელ კორპუსთან აფეთქება მოხდა.

მომხდართან დაკავშირებით შსს განცხადებას ავრცელებს.

,,შინაგან საქმეთა სამინისტროს გურიის პოლიციის დეპარტამენტში, ოზურგეთში, ავტომანქანის დაზიანების ფაქტზე გამოძიება სსკ-ის 187ე მუხლით დაიწყო, რაც ნივთის დაზიანებას ან განადგურებას გულისხმობს. დანაშაული 3-დან 5 წლამდე ვადით თავისუფლების აღკვეთას ითვალისწინებს.

გამოძიებამ დაადგინა, რომ მიმდინარე წლის 10 ივლისს, ოზურგეთში, პეტრიწის ქუჩაზე მდგარ „მიცუბისის“ ფირმის ავტომანქანას გაუჩნდა ცეცხლი, რომელიც მალევე იქნა ლიკვიდირებული. ავტომანქანის პირველადი დათვალიერებით, დადგინდა, რომ ავტომანქანის სალონი ნაწილობრივ არის დაზიანებული.

მომხდართან დაკავშირებით ინტენსიურ რეჟიმში მიმდინარეობს საგამოძიებო ღონისძიებები. გამოკითხულია დაზარალებული და ავტომობილს შესაბამისი ექსპერტიზა უტარდება“, - ნათქვამია შსს-ს განცხადებაში.

არსებული ინფორმაციით, ავტომობილი ამავე კორპუსში მცხოვრებ კიღურაძეების ოჯახს ეკუთვნის.
ავტომობილის მფლობელები აფეთქების სავარაუდო მიზეზს ვერ ასახელებენ.