პოლიტიკა

პარტია განსაკუთრებით გასააქტიურებელია ახალგაზრდობის ფლანგზე, აქ ჩვენი პოტენციალი გაცილებით უფრო მეტია - პრემიერი

საქართველოს პრემიერ-მინისტრმა, „ქართული ოცნების“ თავჯდომარემ გიორგი კვირიკაშვილმა მცხეთაში პარტიის მცხეთის საოლქო ორგანიზაციის კონფერენციაზე განაცხადა, რომ „ქართული ოცნება“ უნდა გააქტიურდეს ახალგაზრდობის ფლანგზე, ასევე საჭიროა პარტიული ორგანიზაციის გაძლიერება რეგიონებში.

„ვფიქრობ, პარტია განსაკუთრებით გასააქტიურებელია ახალგაზრდობის ფლანგზე და ეს განსაკუთრებით მნიშვნელოვანია იმ დროს, როდესაც ჩვენ დავაანონსეთ თვითმმართველობის გაძლიერების სრულიად ახალი მიმართულება, რაც გახლავთ უმნიშვნელოვანესი პრიორიტეტული პოლიტიკური ხაზი ჩვენი პარტიისა და ხელისულებისთვის. ეს ითვალისწინებს თვითმმართველობების როლის გაძლიერებას ქვეყნის პოლიტიკურ ცხოვრებაში, რეგიონული გადაწყვეტილების მიმღები ორგანოების გაძლიერებას მმართველობითი ფუნქციის ვერტიკალში და ამ კონტექსტში კიდევ უფრო მნიშვნელოვანია პარტიული ორგანიზაციის გაძლიერება და განსაკუთრებით ახალგაზრდულ ფლანგზე, ვინაიდან ვფიქრობთ, აქ ჩვენი პოტენციალი გაცილებით უფრო მეტია“, - განაცხადა პრემიერმა.