უკან

უახლესი ამბები

დღის კალენდარი

ანონსები

არქივი

პოლიტიკა

20 ოქტომბერი, 2017 16:45
font-size

პარტიებმა ხელი მოაწერეს ადგილობრივი დემოკრატიის გაძლიერების დეკლარაციას

სამოქალაქო კულტურის საერთაშორისო ცენტრისა და მწვანე კავკასიას ინიციატივით, არასამთავრობო ორგანიზაციათა კოალიციამ „თვითმმართველობისა და დემოკრატიისათვის“ ადგილობრივი თვითმმართველობის არჩევნებში მონაწილე პოლიტიკურ ორგანიზაციებს ადგილობრივი დემოკრატიის გაძლიერების დეკლარაციაზე ხელმოწერის წინადადებით მიმართა. 20 ოქტომბრის მდგომარეობით, დეკლარაციას ხელი მოაწერა რვა საარჩევნო სუბიეტმა:

ბლოკი: დიმიტრი ლორთქიფანიძე, კახა კუკავა- დემოკრატიული მოძრაობა- თავისუფალი საქართველო,

რესპუბლიკური პარტია,

ერთიანი ნაციონალური მოძრაობა,

საქართველოს პატრიოტთა ალიანსი,

შენების მოძრაობა,

ლეიბორისტული პარტია,

ევროპული საქართველო

ბლოკი: გიორგი ვაშაძე-ერთობა ახალი საქართველო

პოლიტიკურ ორგანიზაციას „ქართული ოცნება - დემოკრატიული საქართველო“ ჯერ არც ხელმოწერაზე თანხმობა განუცხადებია და არც უარი.

დეკლარაციის მიხედვით, პოლიტიკური პარტიები იღებენ ვალდებულებას, რომ მერებად და საკრებულოს წევრებად არჩეული მათი წარმომადგენლები გააგრძელებენ რეგულარულ ურთიერთობას ამომრჩევლებთან არჩევნების შემდგომ პერიოდში, როგორც უშუალო შეხვედრებით, ასევე კომუნიკაციის ელექტრონული საშუალებების გამოყენებით, ჩართავენ მოქალაქეებს გადაწყვეტილების მიღების პროცესში, გაამარტივებენ საკრებულოსთვის პეტიციით მიმართვის პროცედურებებს და დანერგავენ მისი ელექტრონული წესით წარდგენის მექანიზმს, გააუმჯობესებენ ადგილობრივი თვითმმართველობის ორგანოების საქმიანობის გამჭვირვალობას, ხელს შეუწყობენ მოქალაქეთა მომსახურების მიზნით „ერთი ფანჯრის პრინციპისა“ და ინოვაციური ელექტრონული მომსახურებების დანერგვას.

დეკლარაცია ღიაა სხვა საარჩევნო სუბიექტებისათვის ხელმოსაწერად და ინიციატორები იმედოვნებენ, რომ პოლიტიკური პარტიები, მ.შ. მმართველი პოლიტიკური ძალა, დეკლარაციაზე ხელმოწერით აიღებენ ადგილობრივი დემოკრატიის გაძლიერების ვალდებულებას.

პარტიებმა ხელი მოაწერეს შემდეგი შინაარსის დეკლარაციას:

,,2017 წლის ადგილობრივი თვითმმართველობის წარმომადგენლობითი და აღმასრულებელი ორგანოების არჩევნებში მონაწილე პოლიტიკური პარტიები ვაცნობიერებთ, რომ საქართველოში ადგილობრივი დემოკრატიის გაძლიერება და შემდგომი განვითარება წარმოადგენს სასიცოცხლოდ აუცილებელ პირობას ქვეყნის დემოკრატიული განვითარებისათვის;

ვაცხადებთ და ვიღებთ ვალდებულებას, რომ არჩევნებში წარმატების მიღწევის შემთხვევაში, ჩვენი წარმომადგენლები მიმართავენ თავიანთ ძალისხმევას ადგილობრივი თვითმმართველობის ორგანოების გამჭვირვალობის, ანგარიშვალდებულებისა და გადაწყვეტილების მიღების პროცესში მოქალაქეთა მონაწილეობის გაუმჯობესებისათვის, კერძოდ:

არჩეული პირები გააგრძელებენ რეგულარულ ურთიერთობას ამომრჩევლებთან არჩევნების შემდგომ პერიოდში, როგორც უშუალო შეხვედრებით, ასევე კომუნიკაციის ელექტრონული საშუალებების გამოყენებით.

ჩართავენ მოქალაქეებს გადაწყვეტილების მიღების პროცესში (მუნიციპალიტეტის პრიორიტეტების განსაზღვრა, ბიუჯეტის თანამონაწილეობითი დაგეგმვა და სხვა);

გაამარტივებენ საკრებულოსთვის პეტიციით მიმართვის პროცედურებს და დანერგავენ პეტიციის ელექტრონული წესით წარდგენას;

გააუმჯობესებენ ადგილობრივი თვითმმართველობის ორგანოების საქმიანობის გამჭვირვალობას (საკრებულოს სხდომების ტრანსლირება, ადგილობრივი ბიუჯეტის, გაწეული ხარჯების შესახებ და სხვა საჯარო ინფორმაციის პროაქტიულად გამოქვეყნება);

ხელს შეუწყობენ მოქალაქეთა მომსახურების მიზნით „ერთი ფანჯრის პრინციპის“ და ინოვაციური ელექტრონული მომსახურების დანერგვას.“

„ქართული ოცნების“ გადაწყვეტილება საფრთხეს უქმნის საქართველოს სტაბილურობას და მომავალს - არასამთავრობოები

28 ივლისი, 2021 , 18:16

არასამთავრობო ორგანიზაციები 19 აპრილის შეთანხმებასთან დაკავშირებით „ქართული ოცნების“ დღევანდელ განცხადებას ეხმაურებიან. როგორც განცხადებაშია აღნიშნული, გადაწყვეტილება ხელისუფლების მხრიდან წარმოადგენს აშკ

ეს არის დესტაბილიზაციის მცდელობა საქართველოში, ეს არის ჩვენი საზოგადოების რადიკალიზმისკენ მიმართვა - „ლელო“

28 ივლისი, 2021 , 16:40

„ქართულმა ოცნებამ" ძალიან კარგად იცის მისი რეიტინგი, სწორედ ამიტომ გამოვიდა ამ 19 აპრილის ხელშეკრულებიდან, რადგან იციან ამ არჩევნებში ისინი 43%-ს ვერ დააგროვებდნენ - ამის შესახებ „ლელოს“ ლიდერებმა საგან

დღეს ოცნებამ საქართველოში გააუქმა არჩევნები - გიგი უგულავა

28 ივლისი, 2021 , 15:58

უნდა გვესმოდეს დღეს ოცნებამ საქართველოში გააუქმა არჩევნები – ასე ეხმაურება სოციალურ ქსელში, ოპოზიციონერი პოლიტიკოსი გიგი უგულავა ოცნების შეთანხმებიდან გასვლას. "ჩემი აზრით: 1. ოპოზიცია უნდა გამოვიდეს პარლამენტიდან

მე ვტოვებ პარლამენტს - არ არსებობს შეთანხმება, არ არსებობს ვალდებულება - ზურაბ ჯაფარიძე

28 ივლისი, 2021 , 15:49

მე ვტოვებ პარლამენტს, პარლამენტში ყოფნა იყო 19 აპრილის შეთანხმებაზე ხელმოწერით ჩემ მიერ აღებული ვალდებულება - წერს პარტია „გირჩი - მეტი თავისუფლებისთვის“ ლიდერი ზურაბ ჯაფარიძე Fscebook-ზე. „ოცნება&ldquo

რადიკალური ოპოზიციური პარტიებისთვის 19 აპრილის შეთანხმებაზე ხელის არმოწერა თვითმიზანი იყო, მათ ამოძრავებდათ მიზანი, დალოდებოდნენ თვითმმართველობის არჩევნებს და გაემეორებინათ საბოტაჟი - ირაკლი კობახიძე

28 ივლისი, 2021 , 15:35

პარტია „ქართული ოცნების“ თავმჯდომარის ირაკლი კობახიძის განცხადებით, „ქართული ოცნება“ 19 აპრილის შეთანხმების თითოეულ პუნქტს პირნათლად ასრულებდა. „გუშინ 19 აპრილის პოლიტიკური შეთანხმების ხელმო

19 აპრილის შეთანხმების ანულირებით დღეიდან ქვეყანა დაუბრუნდა კონსტიტუციურ ჩარჩოს - ირაკლი კობახიძე

28 ივლისი, 2021 , 14:44

განსაკუთრებულ მადლობას ვუხდით შარლ მიშელს მისი ძალისხმევისა და მხარდაჭერისთვის. თუმცა დღეს, დოკუმენტის ხელმოწერიდან 100 დღის თავზე აშკარაა, რომ მან თავისი მისია შეასრულა და თავი ამოწურა, – ამის შესახებ პარტია &bdqu