უკან

უახლესი ამბები

დღის კალენდარი

ანონსები

არქივი

სამართალი

20 ნოემბერი, 2017 14:05
font-size

პენიტენციური დაწესებულების თანმშრომელთა მიერ მსჯავრდებულის წამების საქმის არსებითი განხილვა ჭიანურდება - ადამიანის უფლებათა დაცვის ცენტრი

ადამიანის უფლებათა დაცვის ცენტრი მოუწოდებს თბილისის საქალაქო სასამართლოს, დროულად გამოიძიოს პენიტენციური დაწესებულების თანმშრომელთა მიერ მსჯავრდებულ გ.ჯ.-ის წამების ფაქტი.

ცენტრის შეფასებით, საქმის მოსამართლე წამების მსხვერპლისთვის ზიანის ანაზღაურების შესახებ განხილვას აჭიანურებს.

„თბილისის საქალაქო სასამართლოს ადმინისტრაციულ საქმეთა კოლეგიაში განიხილება პენიტენციური დაწესებულების თანმშრომელთა მხრიდან განხორციელებული წამების შედეგად დაზარალებულის, გ.ჯ.-ის საქმე, წამების შედეგად მიყენებული მატერიალური და მორალური ზიანის ანაზღაურების მოთხოვნით. მოპასუხე მხარეს წარმოადგენს საქართველოს სასჯელაღსრულებისა და პრობაციის სამინისტრო.

თბილისის საქალაქო სასამართლოში გ. ჯ.-ს საქმეზე პირველი მოსამზადებელი სხდომა ჩატარდა 2016 წლის 2 თებერვალს. მას შემდეგ წამების მსხვერპლი უშედეგოდ ელოდება მოსამართლისგან მორიგი მოსამზადებელი სხდომის დანიშვნას.

ადამიანის უფლებათა ცენტრის იურისტმა არაერთხელ მიმართა სასამართლო ხელისუფლების ხელმძღვანელ პირებს, რომ გაჭიანურებულ საქმეზე მოეხდინათ რეაგირება და საქმის განმხილველი მოსამართლე ჩამოეცილებინათ გ. ჯ.-ის საქმისთვის, მაგრამ არცერთ მიმართვას შედეგი არ მოჰყოლია.

საქმის უსაფუძვლო გაჭიანურებისა და მოსამართლის მოვალეობის შეუსრულებლობის ან არაჯეროვნად შესრულების მითითებით, ადამიანის უფლებათა ცენტრმა 2017 წ. 10 აპრილს საჩივარი შეიტანა საქართველოს იუსტიციის საბჭოში გ. ჯ.-ის საქმის განმხილველი მოსამართლის წინააღმდეგ და მოითხოვა მისთვის დისციპლინური პასუხისგებლობის დაკისრება, რასაც საბჭოს მხრიდან ასევე არ მოჰყოლია რეაგირება.

ადამიანის უფლებათა ცენტრი არაერთ იდენტურ საქმეზე ახორციელებს წარმომადგენლობას სასამართლოში და ორგანიზაციის წარმოებაში არსებული რამდენიმე საქმე განიხილა კიდეც გ. ჯ.-ის საქმის განმხილველმა მოსამართლემ. თანაც, ეს საქმეები მოსამართლემ წარმოებაში მიიღო და დაასრულა მას შემდეგ, რაც დაზარალებული გ.ჯ. ელოდებოდა მოსამზადებელი სხდომის ჩანიშვნას.

ადამიანის უფლებათა ცენტრი გამოხატავს შეშფოთებას, რომ თბილისის საქალაქო სასამართლოში გაუმართლებლად ჭიანურდება პენიტენციური დაწესებულების თანმშრომელთა მხრიდან წამების შედეგად დაზარალებულის საჩივრის არსებითი განხილვა.

ადამიანის უფლებათა ცენტრი მოუწოდებს თბილისის საქალაქო სასამართლოს, რომ ეფექტიანი და სამართლიანი მართლმსაჯულების ფარგლებში, გონივრულ ვადებში განიხილოს წამების მსხვერპლის საჩივარი.

2013 წლის 7 აგვისტოს გ.ჯ.-ის მიენიჭა დაზარალებულის სტატუსი პენიტენციური დაწესებულების თანამშრომელთა მხრიდან სისტემატიურად განხორციელებული ცემა-წამების ფაქტზე. სასამართლოს მიერ მიღებული კანონიერ ძალაში შესული განაჩენის თანახმად, სასჯელაღსრულების დაწესებულების თანამშრომლები ცნობილნი არიან დამნაშავედ მსჯავრდებულ გ.ჯ.-ის მიმართ განხორციელებულ წამებაში“, -წერია მიმართვაში.

„კარწახში“ არადეკლარირებული ვერცხლისწყალი აღმოაჩინეს

21 იანვარი, 2020 , 13:20

ფინანსთა სამინისტროს შემოსავლების სამსახურის მებაჟე ოფიცრებმა, საბაჟო გამშვებ პუნქტში ,,კარწახი“, ეჭვის საფუძველზე, საქართველოს მოქალაქის, ფიზიკური დათვალიერების შედეგად, არადეკლარირებული ქიმიური ნივთიერება - ვერცხ

სამეგრელოში უაქციზო თამბაქოს ტრანსპორტირების ფაქტი გამოვლინდა

21 იანვარი, 2020 , 11:35

სამეგრელოში უაქციზო თამბაქოს ტრანსპორტირების ფაქტი გამოვლინდა. როგორც “მედიანიუსს“ ფინანსთა სამინისტროს შემოსავლების სამსახურიდან აცნობეს, სამსახურის საგადასახადო მონიტორინგის დეპარტამენტის მონიტორინგის სამმა

წიაღით უკანონოდ სარგებლობის, ქონების მესაკუთრის მოტყუებით ქონებრივი დაზიანების ფაქტზე ერთი პირი დააკავეს

21 იანვარი, 2020 , 11:35

საქართველოს ფინანსთა სამინისტროს საგამოძიებო სამსახურის თანამშრომლებმა, ჩატარებული ოპერატიულ - სამძებრო და საგამოძიებო მოქმედებების შედეგად, ლიცენზიის გარეშე სამეწარმეო საქმიანობის, წიაღით უკანონოდ სარგებლობის, ყალბი საგ

პოლიციელზე თავდასხმის მცდელობის ფაქტზე ერთი პირი დააკავეს

21 იანვარი, 2020 , 11:05

საქართველოს შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, წარსულში მრავალჯერ ნასამართლევი პირი – 1969

ევროსასამართლოში ლისის ტბის წართმევის საქმე, კონვენციის ოთხ ფუნდამენტურ მუხლზე დარღვევის მითითებით გასაჩივრდა - „ახალგაზრდა ადვოკატები“

20 იანვარი, 2020 , 15:15

საქართველოს წინააღმდეგ, ადამიანის უფლებათა ევროპულ სასამართლოში, ლისის ტბის წართმევის საქმე გასაჩივრდა. აღნიშნულის შესახებ ლისის ტბის 63,5 ჰა არასოსაფოლო-სამეურნეო დანიშნულების მიწის ნაკვეთისა და მიმდებარე ტერიტორიაზე გა

აჭარაში ნარკოდანაშაულისთვის ორი პირი დააკავეს

20 იანვარი, 2020 , 13:10

შინაგან საქმეთა სამინისტროს აჭარის პოლიციის დეპარტამენტის უბნის ინსპექტორების და დეტექტივების სამმართველოების თანამშრომლებმა, ერთობლივად ჩატარებული ოპერატიულ-საგამოძიებო მოქმედებების შედეგად, ნარკოდანაშაულისთვის ორი პირი

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`