პოლიტიკა

პირველადი ჯანდაცვა ერთ-ერთი მთავარი გამოწვევაა, თუმცა არა ჩავარდნა - დავით სერგეენკო აკაკი ზოიძეს პასუხობს

შრომის, ჯანმრთელობისა და სოციალური დაცვის მინისტრი დავით სერგეენკო არ ეთანხმება ჯანდაცვის კომიტეტის თავმჯდომარის აკაკი ზოიძის განცხადებას, რომ ჯანდაცვის სისტემაში „პირველადი ჯანდაცვა თავიდან ბოლომდე ჩავარდნილია“.

სერგეენკოს განმარტებით, გარკვეული გამოწვევები არსებობს, თუმცა ის ჩავარდნილად ვერ შეფასდება.

„აკაკის თავისებური სიტყვათა წყობა აქვს, როგორ გამოხატოს ჯანდაცვაში ესა თუ ის გამოწვევა. მე არ ვარ ამ დარგის სპეციალისტი - ჯანდაცვის სპეციალისტი ვარ და ვიტყვი, რომ პირველადი ჯანდაცვა ერთ-ერთი მთავარი გამოწვევაა, თუმცა არა ჩავარდნა“,- თქვა მინისტრმა.

ანა მებურიშვილი