უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
რეგიონები
პოლიციამ ბორჯომის საკრებულოს თავმჯდომარე და ოპოზიციონერი დეპუტატები საკრებულოში არ შეუშვა
ბორჯომის საკრებულოს თავმჯდომარე ზაზა ჩაჩანიძე და საკრებულოს დეპუტატები „ლეიბორისტული პარტიიდან“ და „ევროპული საქართველოდან“ პოლიციამ საკრებულოს შენობაში არ შეუშვა, რასაც პროტესტი და სიტყვიერი დაპირისპირება მოჰყვა.
შენობაში ბორჯომის მერიის თანამშრომლები და საკრებულოს დეპუტატთა ნაწილი იმყოფება. ოპოზიციონერი დეპუტატების თქმით, საკრებულოში მყოფი მერიის თანამშრომლები და „ქართული ოცნების“ წევრები ზეწოლას ახდენენ საკრებულოს დეპუტატებზე, რათა გუშინ მერიის თანამშრომელთა ხელფასებზე მიღებული გადაწყვეტილება ლეგიტიმურად იყოს ცნობილი.
პარალელურად მერიის თანამშრომლები საკრებულოს თავმჯდომარის გადადგომას მოითხოვენ.
საკრებულოს შენობას დილიდან შსს-ის თანამშრომლები იცავენ.
გუშინ ბორჯომის საკრებულოში რამდენჯერმე მოხდა სიტყვიერი და ფიზიკური დაპირისპირება. უნდა განხილულიყო ბორჯომის მერიის თანამშრომლების ხელფასების მატების საკითხი. თავდაპირველად საკითხი ჩავარდა, რადგან 26 დეპუტატიდან მას მხარი დაუჭირა მხოლოდ 11-მა „ქართული ოცნების“ დეპუტატმა, ხოლო 15-მა ოპოზიციონერმა საკრებულოს წევრმა არა. სწორედ ამან გამოიწვია დაპირისპირება, თუმცა საბოლოოდ ხელფასების საკითხი დამტკიცდა.
ანა მებურიშვილი