უკან

უახლესი ამბები

დღის კალენდარი

ანონსები

არქივი

პოლიტიკა

10 მაისი, 2018 17:40
font-size

პრემიერ-მინისტრი საქართველოსა და ისრაელს შორის თავისუფალი ვაჭრობის შესახებ მოლაპარაკებების გახსნას მიესალმება

93 მილიონი აშშ დოლარის ოდენობის ინვესტიცია და 300 ახალი სამუშაო ადგილი თბილისში, - მაღალტექნოლოგიური, სამხრეთ კავკასიაში მსგავსი მასშტაბის პირველი ავიანაწილების საამქროს, ATC-ის გახსნას საქართველოს პრემიერ-მინისტრი გიორგი კვირიკაშვილი მთავრობის დღევანდელ სხდომაზე გამოეხმაურა.

თანამედროვე სტანდარტების ერთობლივი საწარმო, რომელიც მსოფლიო მასშტაბით ერთ-ერთი ყველაზე წამყვანი მაღალტექნოლოგიური კომპანია „Elbit Systems”-ისა და „საპარტნიორო ფონდის“ ერთობლივი პროექტია, Boeing-თან, Bombardier-თან და Airbus-თან ითანამშრომლებს.

პრემიერ-მინისტრის შეფასებით, ახლადგახსნილი მაღალტექნოლოგიური საწარმო პირველი მერცხალია საქართველოსა და ისრაელს შორის მაღალტექნოლოგიური ინდუსტრიული პოტენციალის ერთობლივად შექმნის პროცესში.

„ეს არის პირველი ყველაზე მსხვილი ებრაული ინვესტიცია საქართველოში. კარგია, რომ ეს დაემთხვა თანამედროვე ისრაელის სახელმწიფოს 70 წლის იუბილეს და თანამედროვე საქართველოს 100 წლის იუბილეს, თორემ, მოგეხსენებათ, ორივე სახელმწიფო გაცილებით უფრო დიდი ხნისაა. ჩვენ ძალიან გვახარებს, რომ ერთობლივი საწარმოს გახსნა ასევე დაემთხვა ძალიან მნიშვნელოვან მოვლენას - საქართველოსა და ისრაელის ეკონომიკის სამინისტროების მიერ თავისუფალი ვაჭრობის შესახებ მოლაპარაკებების გახსნას. დღეიდან დაიწყება მიზანშეწონილობის კვლევა, რომელიც დადებს შედეგს. დარწმუნებულნი ვართ, რომ შედეგი დადებითი იქნება, საუბარია მხოლოდ ვაჭრობის რაოდენობრივ მაჩვენებლებში გამოხატვაზე. ისრაელის სახელმწიფოს ეკონომიკისა და ინდუსტრიის მინისტრმა ელი კოენმა დღეს ქარხნის გახსნაზე განაცხადა, რომ ჩვენს ქვეყნებს შორის სავაჭრო მოცულობა სულ რამდენიმე წელიწადში ერთ მილიარდ დოლარს მიაღწევს. დიდი იმედი მაქვს, ამ სავაჭრო ხელშეკრულებით და ასეთი ინვესტიციებით ეს რეალობა გახდება“, - განაცხადა პრემიერ-მინისტრმა.

გიორგი კვირიკაშვილმა პროექტის განხორციელებაში შეტანილი წვლილისა და გაწეული სამუშაოსთვის მადლობა გადაუხადა ეკონომიკური ბლოკის მინისტრებს დიმიტრი ქუმსიშვილის ხელმძღვანელობით, ასევე - „საპარტნიორო ფონდს“.

„ასევე, მინდა აუცილებლად აღვნიშნო, რომ ეს პროექტი დაიწყო ირაკლი ღარიბაშვილის პრემიერ-მინისტრობის დროს და გაგრძელდა უკვე ჩემი პრემიერ-მინისტრობის პერიოდში. რამდენიმე წელს მიმდინარეობდა ძალიან ინტენსიური მუშაობა და შედეგად მივიღეთ ძალიან მაღალი დონის ტექნოლოგიებით აღჭურვილი საწარმო. გილოცავთ ამ ძალიან დიდ და მნიშვნელოვან მიღწევას“, - აღნიშნა გიორგი კვირიკაშვილმა.

პრემიერ-მინისტრმა ეუთოს სპეციალურ წარმომადგენელთან ოკუპირებულ რეგიონებში ბოლო პერიოდში განვითარებული მოვლენები განიხილა

21 სექტემბერი, 2019 , 14:15

საქართველოს ოკუპირებულ ტერიტორიებზე ბოლო პერიოდში განვითარებული მოვლენები აუარესებს რეგიონში უსაფრთხოების გარემოს და მნიშვნელოვანია საერთაშორისო თანამეგობრობის მხრიდან ამ საკითხის მაღალ დონეზე დაყენება როგორც საერთაშორის

დავით ბაქრაძე ვაშინგტონში სახელმწიფო დეპარტამენტში შეხვედრებს მართავს

21 სექტემბერი, 2019 , 12:55

„ევროპული საქართველოს’’ ლიდერი დავით ბაქრაძე ვაშინგტონში სახელმწიფო დეპარტამენტში შეხვედრებს მართავს. „ევროპული საქართველოდან“ ინფორმაციით, დავით ბაქრაძე სახელმწიფო მდივნის თანაშემწეს, ჯორჯ

პარლამენტმა „სახელმწიფო ინსპექტორის სამსახურის შესახებ“ საქართველოს კანონში ცვლილებები მესამე მოსმენით მიიღო

20 სექტემბერი, 2019 , 13:10

„სახელმწიფო ინსპექტორის სამსახურის შესახებ“ საქართველოს კანონში ცვლილების შეტანის თაობაზე“ კანონპროექტი პარლამენტმა დაამტკიცა. კანონი სახელმწიფო ინსპექტორის სამსახურს გამოძიების ჩატარებისა და ოპერატიულ-

პარლამენტში ქეთევან ციხელაშვილს მოუსმენენ

20 სექტემბერი, 2019 , 10:20

საქართველოს პარლამენტში მინისტრის საათის ფორმატში დღეს შერიგებისა და სამოქალაქო თანასწორობის საკითხებში სახელმწიფო მინისტრს, ქეთევან ციხელაშვილს მოუსმენენ. სახელმწიფო მინისტრი საქართველოს ოკუპირებულ ტერიტორიებთან დაკავში

„ევროპულმა საქართველო“ შეწყალებების საქმეზე გამოძიებას ითხოვს და პროკურატურას მიმართავს

19 სექტემბერი, 2019 , 16:25

„ევროპულმა საქართველომ“ შეწყალებების საქმეზე გამოძიების დაწყების მოთხოვნით პროკურატურას მიმართა. გენერალური პროკურატურისთვის გაგზავნილ წერილში, პარლამენტის დეპუტატი 28 აგვისტოს პრეზიდენტის მიერ გამოცემულ შეწყ

ნათია მეზვრიშვილი პრემიერ-მინისტრის აპარატის უფროსად დაინიშნა

19 სექტემბერი, 2019 , 12:25

შინაგან საქმეთა მინისტრის ყოფილი მოადგილე ნათია მეზვრიშვილი საქართველოს პრემიერ-მინისტრის აპარატის უფროსად დაინიშნა. ნათია მეზვრიშვილმა აღნიშნულ თანამდებობაზე გიორგი ჭოლაძე შეცვალა. ნათია მეზვრიშვილი შს მინისტრის მოადგილ

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს