პოლიტიკა

პრეზიდენტი საკონსტიტუციო ცვლელებებზე შეხვედრებს იწყებს

საქართველოს პრეზიდენტი საკონსტიტუციო ცვლილებებთან დაკავშირებით დღეს საკონსტიტუციო კომისიის წევრებსა და საზოგადოების წარმომადგენლებს შეხვდება.

შეხვედრა რამდენიმე დღის წინ პრეზიდენტის ადმინისტრაციის ხელმძღვანელმა და პრესსპიკერმა დააანონსეს.

როგორც ცნობილია, მმართველი გუნდის წარმომადგენლები პრეზიდენტის სასახლეში ამ შეხვედრაზე მისვლას არ აპირებენ, მიზეზად კი, პარლამენტის პლენარულ სხდომას ასახელებენ.

საკითხთან დაკავშირებით გუშინ პარლამენტის თავმჯდომარემ წერილი გამოაქვეყნა. უმრავლესობის შეფასებით, გიორგი მარგველაშვილი არაკორექტული განცხადებების გაკეთების ნაცვლად კომისიის მუშაობაში თავიდანვე უნდა ჩართულიყო.

პრეზიდენტთან შეხვედრაზე მისვლას გეგმავენ ოპოზიციის წარმომადგენლები, რადგან მიაჩნიათ, რომ ქვეყნის მთავარ დოკუმენტში ცვლილებები ძალიან მნიშვნელოვან საკითხებს ეხება და მათი განხილვა პრეზიდენტთან აუცილებელია.

როგორ ცნობილია, საკონსტიტუციო კომისია, ახალ პროექტზე მუშაობის პროცესში პრეზიდენტის უფლებამოსილებების კორექტირებაზეც მსჯელობს.

ნინო ექვთიმიშვილი