კომენტარი

პრეზიდენტის ინიციატივით დავინტერესდებით და საჭიროებიდან გამომდინარე ვითანამშრომლებთ - ირაკლი კობეხიძე

არ ვიცი, კონკრეტულად რას ეხება პრეზიდენტის ინიციატივა. რა თქმა უნდა, ამით დავინტერესდებით და საჭიროებიდან გამომდინარე, ბუნებრივია, ვითანამშრომლებთ, - განაცხადა პარლამენტის თავმჯდომარემ, ირაკლი კობახიძემ პრეზიდენტის იმ ინიციატივის კომენტირებისას, რომლის თანახმადაც, გიორგი მარგველაშვილმა პრემიერსა და პარლამენტის თავმჯდომარეს აშშ-ს მიერ საქართველოს მხარდამჭერი აქტის მიღების ინიციატივასთან დაკავშირებით წერილით მიმართა.

„ამ შემოთავაზების დეტალები არ ვიცი. ამერიკის კონგრესში, ისედაც განიხილება ჩვენი მხარდამჭერი დოკუმენტები, მათ შორის, ძალიან მნიშვნელოვანი იყო აშშ-ის კონგრესის მიერ ორი დოკუმენტის მიღება და ასევე ახალი ინიციატივები განიხილება.

მე არ ვიცი, კონკრეტულად რას ეხება პრეზიდენტის ინიციატივა. რა თქმა უნდა, დავინტერესდებით ამით და საჭიროებიდან გამომდინარე, ბუნებრივია, ვითანამშრომლებთ“, - განუცხადა ჟურნალისტებს ირაკლი კობახიძემ.