უკან

უახლესი ამბები

დღის კალენდარი

ანონსები

არქივი

კომენტარი

16 აპრილი, 2018 14:50
font-size

პრეზიდენტის მიერ ვეფხია ბაქრაძის შეწყალება გამართლებული არ იყო - ნათია მეზვრიშვილი

საქართველოს შინაგან საქმეთა მინისტრის მოადგილის, ნათია მეზვრიშვილის განცხადებით, შსს-ს მკაცრი პოლიტიკა განსაკუთრებით მძიმე დანაშაულთან მიმართებაში ვერ აღსრულდება, თუ ყველა უწყება და მათ შორის პრეზიდენტი არ გაატარებს მკაცრ პოლიტიკას ასეთ დანაშაულთან მიმართებაში.

შესაბამისი განცხადებით მეზვრიშვილი გამოეხმაურა იმ ფაქტს, რომ 25 წლის ქალის მოვლელობაში ბრალდებული ვეფხია ბაქრაძე პრეზიდენტის მიერ იყო შეწყალებული.

“ამ ადამიანს წარსულში ბრალი ედებოდა ოჯახში ძალადობისთვის. მან მაშინ ჯანმრთელობის მძიმე დაზიანება მიაყენა მეუღლეს, რომლის შვილის მკვლელობაშიც ახლა ბრალი ედება. არ ვფიქრობ, რომ პრეზიდენტის შეწყალება ამ შემთხვევაში იყო გამართლებული. ზოგადად, მიდგომა შინაგან საქმეთა სამინისტროსი ამ კატეგორიის დანაშაულთან დაკავშირებით არის საკმაოდ მკაცრი. ვერ მოხდება ჩვენი მკაცრი პოლიტიკის აღსრულება პრაქტიკაში და საზოგადოებრივი უსაფრთხოების ეფექტურად დაცვა, თუ ყველა უწყება და მათ შორის პრეზიდენტი არ გაატარებს მკაცრ პოლიტიკას მძიმე და განსაკუთრებით მძიმე დანაშაულებთან მიმართებით”, - განაცხადა ნათია მეზვრიშვილმა.

შს მინისტრის მოადგილემ შემაკავებელი ორდერის მნიშვნელობაზეც ისაუბრა.

„შემაკავებელი ორდერი საკმაოდ ეფექტიანი საშუალებაა იმისთვის, რომ მოძალადის ქცევის შეკავება და ძალადობის თავიდან არიდება მოახდინოს, თუმცა არსებობს შემთხვევები, როცა მხოლოდ შემაკავებელი ორდერი საკმარისი არ არის და როცა ასეთი შემთხვევებია, სათანადო იძულების ღონისძიების გამოყენება ხდება - ეს იქნება დაკავება თუ აღკვეთის ღონისძიების სახით პატიმრობა. შემაკავებელი ორდერი საკმაოდ მნიშვნელოვანი ბერკეტია, რომ მოძალადეები შევაკავოთ”, - განაცხადა ნათია მეზვრიშვილმა.

საქართველოს პრეზიდენტი და შეწყალების კომისიის თავმჯდომარე დღეს საგანგებო განცხადებას გააკეთებენ.

როგორც მეზვრიშვილმა რამდენიმე დღის წინ გამართულ ბრიფინგზე განაცხადა, ბარნოვის ქუჩაზე მკვლელობის ბრალდებით დაკავებული 1972 წელს დაბადებული ბაქრაძე 2015 წელს ოჯახის წევრის ჯანმრთელობის მძიმე დაზიანებას და ტრანსპორტის მოძრაობის უსაფრთხოების წესის დარღვევის ბრალდებით იყო დაკავებული, პრეზიდენტის შეწყალების საფუძველზე სასჯელი გაუნახევრდა და საპატიმრო დაწესებულება ვადაზე ადრე, 2017 წლის 25 მაისს დატოვა.

მკვლელობა ბარნოვის ქუჩაზე 13 აპრილს, საღამოს მოხდა. მოკლულია 1993 წელს დაბადებული თაკო გამრეკელაშვილი, რომელიც, არსებული ინფორმაციით, მცირეწლოვან შვილებთან ერთად დასთან იყო. ის სახლში ბავშვების თვალწინ მოკლეს.

დაღუპულის დედის მეგობარი კაცი, 1972 წელს დაბადებული ვეფხია ბაქრაძე, სოფელ თელეთში გუშინ დააკავეს. დაკავებულია კიდევ ერთი პირი, რომელსაც გამოძიება დანაშაულის შეუტყობინებლობას ედავება.

ირაკლი კობახიძეს ვურჩევ, ცოტა ფრთხილად იყოს - ეკა ბესელია

22 მარტი, 2019 , 21:00

ირაკლი კობახიძეს ვურჩევ, ცოტა ფრთხილად იყოს, როდესაც ასეთ გაუაზრებელ ფრაზებს ისვრის. ბუმერან-გის პრინციპი გაიხსენოს, - ამის შესახებ დამოუკიდებელმა დეპუტატმა ეკა ბესელიამ მთაწმინდის ოლქში "ევ-როპული საქართველოსა" და "თავი

შალვა შავგულიძე დღეს გირგვლიანის მკვლელების გვერდით დგას - ირაკლი კობახიძე

22 მარტი, 2019 , 17:25

შალვა შავგულიძე დღეს გირგვლიანის მკვლელების გვერდით დგას, რაც იმაზე მეტყველებს, რომ ადამიანები, რომლებიც რაღაცებზე გვედავებიან, არ აქვთ არანაირი პრინციპები, – ამის შესახებ საქართველოს პარლამენტის თავმჯდომარემ, ირაკ

თითოეულ პოლიციელთან და სამინისტროს გუნდთან ერთად ველოდით შინაარსობრივ საუბარს -გიორგი გახარია

22 მარტი, 2019 , 17:25

საქართველოს პარლამენტის პლენარულ სხდომაზე პრემიერ-მინისტრის გამოსვლის და დეპუტატების შეფასებების შემდეგ გიორგი გახარიამ ჟურნალისტების კითხვებს უპასუხა. შინაგან საქმეთა მინისტრმა განაცხადა, რომ სამინისტროს გუნდთან ერთად,

„ხელედულა ჰესის“ პროექტის საჯარო განხილვა გადაიდო, თუმცა, ვფიქრობ, შემდგომში მეტი კომუნიკაციით აუცილებლად მივაღწევთ შედეგებს - ნათია თურნავა

22 მარტი, 2019 , 16:40

„ჩვენ ჩამოვედით ლენტეხში მოსახლეობასთან შესახვედრად, გვინდოდა გვესაუბრა, თუ რა სიკეთე შეიძლება მოუტანოს მათ „ხელედულა ჰესის“ მშენებლობამ და დიალოგის რეჟიმში მოგვესმინა თუნდაც მწვავე შენიშვნები, რასაც მა

დაუსჯელობის სინდრომი უწყობს ხელს იმას, რომ სამწუხაროდ კვლავ გრძელდება ჩვენი თანამოქალაქეების მიმართ უკანონო ქმედებები - სახალხო დამცველი კვარაცხელის გარდაცვალების საქმეზე

22 მარტი, 2019 , 14:10

„სახელმწიფომ უნდა გამოიყენოს ყველა შიდა და საერთაშორისო ბერკეტი იმისათვის, რომ ნამდვილად გამოიკვეთოს პასუხისმგებელი პირები და ამ საკითხთან დაკავშირებით მოხდეს მათ შორის საერთაშორისო რეაგირებაც, - ეს განცხადება, სახ

ფაშისტური და ბოლშევიკური განცხადებები - კობახიძის მორიგი თავდასხმა `რუსთავი2`-ის გენერალურ დირექტორსა და არასამთავრობო სექტორზე

22 მარტი, 2019 , 13:05

პარლამენტის თავმჯდომარე ისევ „რუსთავი2“-სა და არასამთავრობო სექტორს აკრიტიკებს. ირაკლი კობახიძემ არასამთავრობო ორგანიზაციებს პირდაპირ დასდო ბრალი, რომ ისინი საარჩევნო აგიტაციაში მონაწილეობდნენ. პარლამენტის თა