პოლიტიკა

პრეზიდენტის პირდაპირი წესით არჩევის გაუქმება არ უნდა მოხდეს არც 2023-ში, არც 2053-ში - გიორგი ახვლედიანი

პარტია „დემოკრატიული მოძრაობის“ წევრის, გიორგი ახვლედიანის განცხადებით, პრეზიდენტის უფლებები უნდა გაიზარდოს და გავრცელდეს პარლამენტზეც.

„ხელისუფლება წავიდა შემოვლითი გზით. გამოშიგნავს ახლა პრეზიდენტის უფლებამოსილებებს და მერე საზოგადოების წინაშე დადგება დილემა, რაღად გვინდა ასეთი პრეზიდენტის არჩევა, რომელსაც არაფრის უფლება არა აქვს. ამიტომ, „დემოკრატიულ მოძრაობაში“ ჩვენ ვთვლით, რომ პრეზიდენტის უფლებამოსილებები კი არ უნდა შეიზღუდოს, ის უნდა გაიზარდის, სულ მცირე, საპარლამენტო ინციატივის უფლება უნდა ჰქონდეს მას, იმ უფლებების მიმართებაში, რაც აქვს. რა თქმა უნდა, არავითარი პრეზიდენტის პირდაპირი წესით არჩევის გაუქმება არ უნდა მოხდეს არც 2023-ში, არც 2053-ში“, - განაცხადა ახვლედიანმა საკონსტიტუციო კომისიის დაწყების წინ.

შეგახსენებთ, რომ დღეს მიმდინარე საკონსტიტუციო კომისიის ერთ-ერთი განსახილველი თემა პრეზიდენტის პირდაპირი არჩევის წესის შესაძლო გაუქმებაა.

ანა მებურიშვილი