მსოფლიო

პრინცი ჰარი და მეგან მარკლი დაქორწინდნენ

დიდი ბრიტანეთის სამეფო ტახტის რიგით მეექვსე მემკვიდრე, პრინცი ჰარი და ამერიკელი მსახიობი მეგან მარკლი დაქორწინდნენ.

ცერემონია უინძორის სასახლეში იმართება, საზეიმო ღონისძიებას 600-ზე მეტი სტუმარი ესწრება, მათ შორისაა დედოფალი ელიზაბედ მეორე და სამეფო ოჯახის სხვა წევრები, შოუ-ბიზნესის ვარსკვლავები და სპორტსმენები.

მარკლმა ქორწილისთვის ფრანგული მოდის სახლ Givenchy-ის კრეატიული დირექტორის, Clare Waight Keller-ის მიერ შექმნილი კაბა ჩაიცვა. ამერიკელ მსახიობს თავზე ბრილიანტის დიადემა უკეთია.

ქორწილის შემდეგ მეგან მარკლს სასექსის ჰერცოგინიას ტიტული მიანიჭეს, რომელიც ვაკანტური იყო 1843 წლიდან.