საზოგადოება

პროკურატურასთან ტელეკომპანია “იბერიას“ და „ომეგა ჯგუფის“ მხარდამჭერი აქცია გაიმართა

მოძრაობამ ,,ძალა ერთობაშია“ არასამთავრობო სექტორთან ერთად პროკურატურის შენობასთან დღეს აქცია გამართა.

შეკრებილებმა ტელეკომპანია ,,იბერიას“ და „ომეგა ჯგუფს“ მხარდაჭერა გამოუცხადეს.

აქციის მონაწილეები ქვეყნის მთავარი საგამოძიებო უწყებისგან ითხოვენ, რომ საქმესთან დაკავშირებით ბოლო პერიოდში გავრცელებულ ყველა აუდიოჩანაწერზე გამოძიება დაიწყოს. მათი მოთხოვნაა ასევე ის, რომ უწყებაში დაიბარონ ყველა ის პირი, ვინც სკანდალურ ჩანაწერებში ფიგურირებენ.

,,ლევან ყიფიანი არეკეტებდა ბიზნესს. პირდაპირ ჩანს იქ უჩა მამაცაშვილის, ჩხარტიშვილის და ასე შემდეგ - სხვა ადამიანების კავშირი. არავინ არაფერს არ ამბობს - ავთენტიურია ეს, არ არის ავთენტური. ვერც ვერაფერს ვერ იძახიან, არც გამოძიება არაფერს არ ამბობს. ადამიანი დაკითხვაზე მიიყვანეს სულ რაღაც 12 წუთით და რეალობაში არც უჩას დაკითხვა მომხდარა, არც ბიძინა ივანიშვილის ყარაულის, რომელიც დაცვის სამსახურის ხელმძღვანელია ამ დროს და რეალობაში არანაირი ნაბიჯი არ გადაუდგამთ. რატომ? იმიტომ, რომ რეალობაში ამ ქვეყანაში პროკურორიც და მოსამართლეც არის ერთი ადამიანი და ეს ადამიანია ოლიგარქი ბიძინა ივანიშვილი“, - განაცხადა აქციის ერთ-ერთმა მონაწიელომ, ენმ-ს წევრმა, ლევან ხაბეიშვილმა.