მსოფლიო

ქიმიური ნივთიერებით მოწამლული სერგეი სკრიპალი გონს მოვიდა

ყოფილი რუსი ჯაშუში სერგეი სკრიპალი კრიტიკული მდგომარეობიდან გამოვიდა. მისი მკურნალი ექიმის თქმით, მისი ჯანმრთელობის მდგომარეობა სწრაფად უმჯობესდება.

66 წლის კრიპალი და მისი ქალიშვილი იულია საავადმყოფოში თვეზე მეტხანს იმყოფებიან. ისინი 4 მარტს მოწამლეს ბრიტანეთის ქალაქ სოლსბერიში. გარდა ამისა დაშავდა 20-მდე სამოქალაქო პირი და პოლიციელი. როგორც დადგინდა, სკრიპალის მოსაწამლად რუსეთში გამზადებული ნერვო-პარალეპტიკური გაზი სახელწოდებით - ნოვიჩოკი გამოიყენეს.

მოწამვლაში ლონდონი რუსეთს ადანაშაულებს, რის გამოც დასავლეთმა 100-ზე მეტი რუსი დიპლომატი გააძევა.

აშშ-მ ორშაბათს მიიღო გადაწყვეტილება, რომლის მიხედვით, ქვეყანას 60 რუსი დიპლომატი დატოვებს, მას შეუერთდნენ გერმანია, უკრაინა, დანია, საფრანგეთი, ჩეხეთი, ლატვია, ესტონეთი, ლიტვა, იტალია, კანადა, ჰოლანდია, რუმინეთი, ფინეთი, ესპანეთი და ა.შ.