რეგიონები
ქობულეთში სოფელ მუხაესტატეს პოლიციის უფროსი მოკლეს
ქობულეთში სოფელ მუხაესტატეს პოლიციის უფროსი ბუტა ანთაძე მოკლეს.
არსებული ინფორმაციით, პოლიციის უფროსი ერთმა პირმა მაშინ დაჭრა, როდესაც სოფელი ცეცხლაურის გავლით ხის ტრანსპორტირება მიმდინარეობდა.
დგილობრივების თქმით, პოლიცია ხის გადატანის პროცესს აკონტროლებდა, რა დროსაც მკვლელი პოლიციის თანამშრომელს ზურგიდან მიეპარა და სასიკვდილო დაზიანება მიაყენა.
მუხაესტატეს პოლიციის უფროსი, ქობულეთის რეფერალურ საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.
ადგილობრივი მცხოვრებელები მკვლელობის შესაძლო მოტივზე ვერ საუბრობენ.
მომხდართან დაკავშირებით სისხლის სამართლის საქმე 108-ე, განზრახ მკვლელობის მუხლით არის აღძრული.
27 წლის მამაკაცი, რომელმაც ქობულეთში პოლიციის უფროს სასიკვდილო ჭრილობები მიაყენა დაკავებულია. ის წარსულში წვრილმანი ხულიგნობისთვის არის ნასამართლევი.
ნინო ექვთიმიშვილი