უკან

უახლესი ამბები

დღის კალენდარი

ანონსები

არქივი

კომენტარი

15 ივნისი, 2017 18:00
font-size

რეგულაცია საჭიროა, რათა განვსაზღვროთ როგორ ავითვისოთ ჩვენი ქვეყნის მოქალაქეების კეთილდღეობისთვის მიწა მაქსიმალურად ეფექტიანად - ბექა ნაცვლიშვილი

პარლამენტში „სასოფლო-სამეურნეო დანიშნულების მიწის საკუთრების შესახებ“ კანონში დაგეგმილი ცვლილების დაჩქარებული წესით განხილვისას ფრაქცია ,,ქართული ოცნება სოციალ-დემოკრატების" მდივანი ბექა ნაცვლიშვილმა სიტყვით გამოსვლისას განაცხადა, რომ სინი უცხოელებზე მიწის გადაცემის შეზღუდვაზე მორატორიუმის გამოცხადებას არათუ მხარს უჭერენ, შეზღუდვა უნდა იყოს ისეთი, რომ ქვეყანა ყველანაირი რისკებისგან იყოს დაცული. სწორედ ამიტომ კონსტიტუციაში უნდა ჩაიწეროს მიწის უცხოელებზე გაყიდვის აკრძალვა, რათა შემდგომში ნეოლიბერალური ან რადიკალური ლიბერალური ძალის ხელისუფლებაში მოსვლის შემთხვევაში, ეს განსაკუთრებული მნიშვნელობის რესურსი დაცული იყოს.

„მსოფლიო ტენდენციას თუ დავაკვირდებით, ჩვენ ვიცით რამდენად იზრდება მოსახლეობის რაოდენობა, რამდენად მცირდება ათვისებადი მიწის რაოდენობა და რამდენად მაღალია იმის ალბათობა, რომ რაღაც კულტურებზე, შემდგომში შეიქმნას დეფიციტი, რისგანაც ჩვენ დაზღვეული უნდა ვიყოთ. გამომდინარე იქიდან რომ ჩვენ გვაქვს საშუალება ჩვენი ქვეყნის მოსახლეობა ჯანმრთელი საკვებით ვუზრუნველყოთ, ჩვენ არ გვინდა ჩვენი მოსახლეობის გენმოდიფიცირებული საკვებით გამოკვება. ამიტომ, მიწის საკითხი დაკავშირებულია უპირველეს ყოვლისა სასურსათო უსაფრთხოებასთან“ - აცხადებს ნაცვლიშვილი, რომლის აზრით, ტრაგედიაა როდესაც ჯანდაცვა და განათლება საბაზრო პროდუქტია: „ითქვა, რომ ადამიანს უნდა ჰქონდეს თავისუფლება, მიწა, როგორც საბაზრო პროდუქტი, გაცვალოს განათლებაზე, ჯანდაცვაზე და ა.შ. სწორედ ეს არის ტრაგედია, რომ ჯანდაცვა და განათლება საბაზრო პროდუქტია. სწორედ ეს არის ბოროტება, რომ ადამიანი შეიძლება დადგეს გადაწყვეტილების წინაშე გაასხვისოს მიწა და გაიკეთოს ოპერაცია თუ გაასხვისოს მიწა და შვილს განათლება მიაღებინოს“ - აცხადებს ფრაქცია ,,ქართული ოცნება სოციალ-დემოკრატების" მდივანი და მიაჩნია, რომ ამ ეტაპზე საუბარი უნდა იყოს არა უცხოელებზე მიწის გაყიდვაზე, არამედ მიწის რაციონალურად განკარგვაზე. მით უმეტეს, ქვეყანას ჯერჯერობით არც მიწა აქვს აღრიცხული, არც ბალანსი დადგენილი და ზოგადად, არ იცის რა ტიპის მიწა გააჩნია. გასათვალისწინებელია, ისიც, რომ ქვეყნის შრომისუნარიანი მოსახლეობის 47% სოფლად ცხოვრობს და არსებული მსოფლიო ეკონომიკური ტენდენციების გათვალისწინებით, აუცილებელია განსაზღვრა, რომელმა ეკონომიკურმა სექტორმა მოახდინოს ამ სამუშაო ძალის აბზორბაცია:

„ამიტომ, უპირველეს ყოვლისა, რეგულაცია საჭიროა იმიტომ რომ განვსაზღვროთ როგორ ავითვისოთ ჩვენი ქვეყნის მოქალაქეების კეთილდღეობისთვის ეს მიწა მაქსიმალურად ეფექტიანად. უნდა გავაკეთოთ კოოპერატივები და შესაბამისად, თუ პირდაპირი უცხოური ინვესტიციების ფეტიში გვაქვს, მაშინ, როდესაც ყველა ქვეყანა ახდენს პირდაპირი უცხოური ინვესტიციების მიზანმიმართულ განაწილებას, მივიზიდოთ პირდაპირი უცხოური ინვესტიციები არა მიწის გაყიდვაში, არამედ გადამამუშავებელ მრეწველობაში. ვინაიდან, გადამუშავებული პროდუქტი გაცილებით მაღალი დამატებული ღირებულების შემქმნელია და არა უბრალოდ რომელიმე კულტურის მოყვანა.

მიწა არის განსაკთრებული მნიშვნელობის რესურსი, არამარტო იმიტომ რომ ამოწურვადია, არამედ იმიტომ რომ ის ჩვენ დაგვხვდა. ის არ არის რომელიმე ადამიანის შემოქმედების შედეგი, ის არ ექვემდებარება არც ტექნოლოგიურ მოდიფიკაციას. შესაბამისად, მიწის ფლობა, უპირველეს ყოვლისა, არ არის ინდივიდის უფლება, არამედ ეს არის პასუხისმგებლობა და სახელმწიფოს განსაკთრებული რეგულირების გარეშე, ამ პასუხისმგებლობას ვერცერთი ინდივიდი ვერ განახორციელებს. მიწას სწორედ ამიტომ ესაჭიროება განსაკუთრებული რეგულირება“ - განაცხადა ნაცვლიშვილმა.

როდესაც ფიქსირდება სამართლებრივად დანაშაული, არანაირი მნიშვნელობა არ უნდა ჰქონდეს, ვინ რომელი პარტიული ძალის წარმომადგენელია - გიორგი გახარია

21 თებერვალი, 2020 , 17:20

ყველა ის შემთხვევა, როდესაც ფიქსირდება სამართლებრივად დანაშაული, არანაირი მნიშვნელობა არ უნდა ჰქონდეს, ვინ რომელი პარტიული ძალის წარმომადგენელია. პოლიციამ უნდა იმოქმედოს, იმოქმედებს და დარწმუნებული ვარ, რომ მოქმედებს, -

არანაირი დაპირისპირება არაა ჩემსა და გიორგი გახარიას შორის - ვახტანგ გომელაური

21 თებერვალი, 2020 , 15:50

შინაგან საქმეთა მინისტრი, ვახტანგ გომელაური ამბობს, რომ მასსა და პრემიერ-მინისტრ გიორგი გახარიას შორის არანაირი დაპირისპირება არაა და თავადაც ეთანხმება პრემიერის მიერ თავდაცვის ყოფილი მინისტრის, ლევან იზორიას ძმის ქმედებ

ქუთაისის პარლამენტის შენობის გაყიდვას ვაპირებთ - გიორგი გახარია

21 თებერვალი, 2020 , 15:20

„ქუთაისის პარლამენტის შენობის გაყიდვას ვაპირებთ. ეს პროცესი ეკონომიკის სამინისტრომ დაიწყო” , - ამის შესახებ ჟურნალისტებს პრემიერ-მინისტრმა გიორგი გახარიამ განუცხადა. „ქუთაისის პარლამენტის შენობის გაყიდვ

ჩვენ ვმუშაობთ პარტნიორებთან ერთად, რომ გავაუმჯობესოთ და უფრო მეტი კონტროლი იყოს, რათა არ მოხდეს ასეთი კიბერშეტევა - ვახტანგ გომელაური

21 თებერვალი, 2020 , 15:10

შინაგან საქმეთა მინისტრმა ვახტანგ გომელაურმა ბათუმში, პოლიციელების დაჯილდოების ცერემონიის შემდეგ, ჟურნალისტების კითხვებს უპასუხა და ოქტომბერში განხორციელებულ კიბერშეტევასთან დაკავშირებით კომენტარი გააკეთა. „ეს მნიშ

დიახ, ეს თავდასხმა მომდინარეობდა რუსეთის მხრიდან - გიორგი გახარია

21 თებერვალი, 2020 , 15:10

კიბერსივრცე არ არის მხოლოდ და მხოლოდ საქართველოსთვის რისკების შემცვლელი, ეს არის გლობალური გამოწვევა, - განაცხადა ჟურნალისთებთან საუბარში გიორგი გახარიამ. პრემიერ-მინისტრის თქმით, კიბერშეტევასთან დაკავშირებით, სტრატეგიულ

ვისაც წინა ხელისუფლების ძალადობრივი რეჟიმი და ის სისასტიკე ენატრება, ვერასოდეს ვერ შევთანხმდებით - ეკა ბესელია

21 თებერვალი, 2020 , 13:05

პარლამენტის დამოუკიდებელი დეპუტატის, ეკა ბესელიას განცხადებით, ვისაც წინა ხელისუფლების ძალადობრივი რეჟიმი ენატრება, ვერ შეთანხმდება. „ვისაც წინა ხელისუფლების ძალადობრივი რეჟიმი და ის სისასტიკე ენატრება, ვერასოდეს ვ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`