მსოფლიო

რუსეთი ამერიკის საპრეზიდენტო არჩევნებში ერეოდა - ამერიკის ცენტრალური სადაზვერვო სამმართველო

ამერიკის ცენტრალური სადაზვერვო სამმართველოს ინფორმაციით, რუსეთი ამერიკის საპრეზიდენტო არჩევნებში ერეოდა, რათა დონალდ ტრამპს გამარჯვებაში დახმარებოდა.

ამის შესახებ Washington Post საკუთარ წყაროზე დაყრდნობით წერს.

გამოცემის წყაროს თქმით, ამერიკის ცენტრალური სადაზვერვო სამმართველომ ის პირების ვინაობა დაადგინა, რომლებიც რუსეთის ხელისუფლებასთან არიან კავშირში და რომლებმაც WikiLeaks დემოკრატიული პარტიის სერვერებიდან მოპარული წერილები გადასცეს. მათ შორის ჰილარი კლინტონის საარჩევნო შტაბის ხელმძღვანელის, ჯონ პოდესტას წერილები.

ამერიკის ცენტრალური სადაზვერვო სამმართველო მიიჩნევს, რომ ამ პირების მიზანი იყო, ჰილარი კლინტონის საარჩევნო კამპანიისთვის ზიანი მიეყენებინათ და ამით დონალდ ტრამპს დახმარებოდნენ.

მონიკა დავლიანიძე