მსოფლიო

რუსეთი მშვიდობისმოყვარე ქვეყანაა, ჩვენ არ გვაქვს და ვერც გვექნება არანაირი აგრესიული გეგმა - ვლადიმერ პუტინი

რუსეთის პრეზიდენტის, ვლადიმერ პუტინის მტკიცებით, რუსეთი მშიდობისმოყვარე ქვეყანაა, რომელსაც აგრესიული გეგმები არ აქვს. ამის შესახებ პუტინმა სახედრო წვრთნების „აღმოსავლეთი-2018“-ის მონახულებისას განაცხადა.

„რუსეთი მშვიდობისმოყვარე ქვეყანაა, ჩვენ არ გვაქვს და ვერც გვექნება არანაირი აგრესიული გეგმა. ჩვენი საგარეო პოლიტიკა მიმართულია შემოქმედებით თანამშრომლობაზე ყველა ქვეყანასთან, ვინც ამით არის დაინტერესებული“, -აღნიშნა პუტინმა.

სამხედრო წვრთნები „აღმოსავლეთი-2018“ 11 სექტემბერს დაიწყო და ერთი კვირა გაგრძელდება. წვრთნები შორეული აღმოსავლეთის ტერიტორიაზე და წყნარი ოკეანეს აკვატორიებში, რუსეთის თავდაცვის მინისტრის სერგეი შოიგუს მეთაურობით მიმდინარეობს.