მსოფლიო

რუსეთი ცივი ომის შემდეგ ყველაზე მასშტაბურ სამხედრო წვრთნას ჩაატარებს

რუსეთი 11-დან 15 სექტემბრის ჩათვლით აღმოსავლეთ ციმბირის ტერიტორიასა და შორეულ აღმოსავლეთში, ჩინეთისა და მონღოლეთის სამხედრო ქვედანაყოფების მონაწილეობით 1981 წლის შემდეგ ყველაზე მასშტაბურ სამხედრო წვრთნას „აღმოსავლეთი-2018“ ჩაატარებს. რუსეთის თავდაცვის მინისტრის, სერგეი შოიგუს მტკიცებით, მასში მიიღებს მონაწილეობას 300 000 სამხედრო, 100-ზე მეტი თვითმფრინავი და 36 000 ერთეული სამხედრო ტექნიკა.

დაგეგმილ წვრთნებს უკვე გამოეხაურნენ ნატო-ში. ჩრდილოატლანტიკური ალიანსის ოფიციალური წარმომადგენლის, დილან უატის შეფასებით, ასე რუსეთი აჩვენებს, რომ ის ემზადება ფართომასშტაბიანი კონფლიქტისთვის.

რუსეთმა თავის მხრივ, წინასწარ შეატყობინა ნატოს აღნიშნული სამხედრო წვრთნების შესახებ და ჩრდილოატლანტიკური ალიანსის დამკვირვებლები მიიწვია.