მსოფლიო

რუსეთში კორპუსის ჩამონგრევის შედეგად დაღუპულთა რაოდენობა 6-მდე გაიზარდა, მათ შორის 2 ბავშვია

რუსეთის ქალაქ იჟევსკში საცხოვრებელი კორპუსის ჩამონგრევის შედეგად დაღუპულთა რაოდენობა 6-მდე გაიზარდა, აქედან 2 ბავშვია.

„დაშავდა 9 ადამიანი, აქედან 6 დაიღუპა, მათ შორის 2 ბავშვი“, - განუცხადეს РИА Новости-ის უდმურტიის საგანგებო სიტუაციატა სამსახურში.

ჩამონგრევისას 2 ადამიანი დაიკარგა.

კორპუსის ნაწილი მე-9-დან პირველ სართულამდე გუშინ საღამოს ჩამოინგრა, რის შედეგად 8 ბინა მთლიანად განადგურდა. შემთხვევის გამომწვევ მიზეზად გაზის გაჟონვით გამოწვეულ აფეთქებას ასახელებენ.

კორპუსის ყველა მაცხოვრებელი იყო ევაკუირებული, მაშველები კი ამ დრომდე ნანგრევებში მოყოლილ ადამიანებს ეძებენ. ასევე გამოიკვლევენ, შესაძლებელი იქნება თუ არა კორპუსის შემორჩენილ ნაწილში ცხოვრება.

გარდა ამისა, აღნიშნულ კორპუსს რუსეთის შსს-ის რაზმები იცავენ მაროდიორობის თავიდან ასაცილებლად.

ანა მებურიშვილი