უკან

უახლესი ამბები

დღის კალენდარი

ანონსები

არქივი

პოლიტიკა

18 ივლისი, 2017 12:05
font-size

რუსეთთან დაპირისპირება იწყება იმ პერიოდიდან, როცა საქართველომ დამოუკიდებლობისაკენ პირველი ნაბიჯები გადადგა - პრეზიდენტი

საქართველოს პრეზიდენტის, გიორგი მარგველაშვილის განცხადებით, მნიშვნელოვანია, ქვეყნის უცხოელმა პარტნიორებმა დაინახონ, რომ საქართველო ორიენტირებულია განვითარებისაკენ და არა რომელიმე მეზობელთან დაპირისპირებისაკენ. ამის შესახებ პრეზიდენტმა 2017 წლის ამბასადორიალზე სიტყვით გამოსვლისას ისაუბრა.

მან აღნიშნა, რომ ამ პოლიტიკის მნიშვნელოვან ნაწილს ქართველი დიპლომატების საქმიანობა წარმოადგენს.

„ჩვენი უსაფრთხოების ერთ-ერთი მთავარი შემადგენელი არის ჩვენი დიპლომატიური საქმიანობა, ხოლო ის, თავის მხრივ, ეფუძნება იმ პროგრესის აღიარებას, რომელიც ქართულ სახელმწიფოს და საზოგადოებას აქვს ჩვენი ევროპული განვითარების გზაზე. ამ იმიჯის გაღრმავების პარალელურად ძალიან მნიშვნელოვანია, ჩვენს პარტნიორებს ვაჩვენოთ ის კონტექსტი, რომლითაც ვითარდება ჩვენი ქვეყანა. ამ თვალსაზრისით საქართველო არის რეგიონში პრობლემების არა შექმნის, არამედ მოგვარების, თანამშრომლობის სულისკვეთებით გამსჭვალული ქვეყანა, რომელიც ახორციელებს სერიოზულ ინვესტიციას თავისი, როგორც სახელმწიფოს ფუნქციაში, რომლის მხარდაჭერითაც წყდება ბევრი ეკონომიკური, ენერგეტიკული პრობლემა. საქართველოს ფუნქცია, საქართველოს ხედვა საკუთარი თავისა არის არა რომელიმე მეზობელთან დაპირისპირების კონტექსტში, არამედ სწორედაც რომ კეთილმეზობლური ურთიერთობა ყველა სახელმწიფოსთან რეგიონში და ამ კეთილმეზობლობის მეშვეობით ჩვენს რეგიონში და უფრო გლობალურად თანამშრომლობის სივრცის შექმნა“, - განაცხადა პრეზიდენტმა.

პრეზიდენტმა ასევე გაამახვილა ყურადღება რუსეთის ფაქტორზე. მისი თქმით, საქართველოს მიერ დამოუკიდებლობის მოპოვებას მოჰყვა რუსეთის მხრიდან აგრესია, რის შესახებ ინფორმაცია გასაზიარებელია უცხოელ პარტნიორებთან.

„მე ვფიქრობ, ამ თვალსაზრისითაც ჩვენ გვმართებს, გავაგებინოთ ჩვენს პარტნიორებს, რომ დაპირისპირება რუსეთის ფედერაციასთან არ არის მხოლოდ 2008 წელს დაწყებული პროცესი, არამედ სწორედაც რომ 90-იანი წლებიდან, იმ მომენტიდან დაწყებული პროცესი, როდესაც საქართველომ პირველი ნაბიჯები გადადგა დამოუკიდებლობის, თავისუფალი არჩევანის მიმართულებით. შესაბამისად, ნარატივი, თითქოს საქართველო რაიმე ეტაპზე უქმნიდა რაიმე სირთულეს რუსეთის ფედერაციას და აქედან გამომდინარე განხორციელდა აგრესია საქართველოს წინააღმდეგ, თავიდანვე არის სუსტი, იმიტომ რომ პირველივე დღიდან დამოუკიდებლობისა ჩვენი ჩრდილოელი მეზობელი ცდილობდა, შეეჩერებინა ჩვენი ევროპული განვითარება. მაგრამ ერთ-ერთი მთავარი და მნიშვნელოვანი სიმართლე მდგომარეობს იმაში, რომ მიუხედავად სირთულეებისა, რომელიც შეგვექმნა ოკუპაციის შედეგად, ქართულმა სახელმწიფომ აირჩია ორი ძალიან მნიშვნელოვანი სტრატეგიული მიმართულება: სტრატეგიული მოთმინება, რომელიც საბოლოოდ ჩვენ მიგვიყვანს მშვიდობიანად ჩვენი სუვერენიტეტისა და ტერიტორიული მთლიანობის აღდგენამდე და მეორე მდგომარეობს იმაში, რომ ჩვენ არანაირად არ ვაპირებთ, რომ ამ სირთულეებმა რამენაირად შეაჩეროს საქართველოს შემდგომი განვითარება და ეს ბერკეტები იქნას გამოყენებული ჩვენი განვითარების მუხრუჭად. ამ თვალსაზრისით მნიშვნელოვანია გავუზიაროთ პარტნიორებს ის სიმართლე, რომ საქართველო არის აღმოსავლეთ ევროპის ქვეყანა და ვითარდება როგორც ევროპული ქვეყანა, ლიდერია აღმოსავლეთ პარტნიორობაში“, - განაცხადა პრეზიდენტმა.

გიგა ბოკერია გიორგი გახარიას: მაინცდამაინც მეუფე იაკობივით უნდა დაგამცირონ და გაგლანძღონ, რომ ცოტა პატივისცემა ისწავლოთ პარლამენტის?

29 მაისი, 2020 , 16:45

„ დღეს დილიდან რაღაცა კიდევ უფრო ახალი ტონი შეარჩიეთ პარლამენტის შეურაცხყოფის? თქვენთვის დრო არ მაქვს, აქ ნუ გამაცდენთ ამ კითხვებზე და პასუხებზე, ძალიან მაინტერესებს, ვინ წაგახალისათ ამისთვის? მაინცდამაინც მეუფე ია

ჩვენი ქვეყანა ჯალათს არ იმსახურებს პრემიერ-მინისტრად - თინა ბოკუჩავა

29 მაისი, 2020 , 15:57

ჩვენი მომავალი თაობა თქვენ არ გიმსახურებს. ეს კარგად დაიმახსოვრეთ! თქვენ ვერასოდეს ჩამოირეცხავთ თვალთხარია გახარიას სახელს და იმ მისამღერს ვერასოდეს დაავიწყებთ ახალგაზრდებს, რომელიც თქვენ მოგიძღვნეს,- ასე მიმართა „

პატივს ვცემთ პარლამენტს და მიუხედავად იმისა, რომ ბევრი მნიშვნელოვანი საქმე გვაქვს გასაკეთებელი, აქ ვდგავართ და ამ კითხვებსაც გავცემთ პასუხს - გიორგი გახარია

29 მაისი, 2020 , 15:45

მოგესალმებით ბატონებო და ქალბატონებო, მივესალმები პარლამენტის წევრებს, დეპუტატებს, მოგესალმებით ბატონო თავმჯდომარევ. მოგეხსენებათ, რომ ჩვენ ზუსტად ერთი დღით ადრე ვიდექით ამ ტრიბუნასთან და მაქსიმალურად გავეცით პასუხი ყველ

საქართველოში აშშ-ის საელჩო გამყოფ ხაზზე მიმდინარე პროცესისა და ლუგარის ცენტრის წინააღმდეგ მიმართული რუსეთის კამპანიის შესახებ განცხადებას ავრცელებს

27 მაისი, 2020 , 20:12

საქართველოში აშშ საელჩო ადმინისტრაციულ გამყოფ ხაზზე მიმდინარე ბორდერიზაციის პროცესისა და ლუგარის ცენტრის წინააღმდეგ მიმართული კამპანიის შესახებ განცხადებას ავრცელებს. „იმ ფონზე, როდესაც მსოფლიო ულოცავს საქართველოს

სალომე ზურაბიშვილი მონაკოს პრინცს ტელეფონით ესაუბრა

27 მაისი, 2020 , 17:46

საქართველოს პრეზიდენტი სალომე ზურაბიშვილი დღეს მონაკოს პრინცს, ალბერ მეორეს ტელეფონით ესაუბრა. საქართველოს პრეზიდენტის პრესსამსახურის ინფორმაციით, სალომე ზურაბიშვილი პრინცის ჯანმრთელობის მდგომარეობით დაინტერესდა, რადგან

გიორგი გახარია არის ჯალათი, არის „ქართული ოცნების“ მმართველობის ყველაზე სისხლიანი დღეების შემოქმედი - თინა ბოკუჩავა

27 მაისი, 2020 , 16:59

გიორგი გახარია თავმომწონედ პოზირებს, თითქოს დაავიწყდა, რომ მისთვის ადამიანის სიცოცხლესა და ჯანმრთელობას ჩალის ფასი აქვს, – ამის შესახებ „ნაციონალური მოძრაობის“ წევრმა, თინა ბოკუჩავამ პარლამენტის სხდომაზ