სამართალი

რუსთავი2-თან დაკავშირებით სასამართლოს გადაწყვეტილების სამოტივაციო ნაწილი დაუსაბუთებელია - დიმიტრი საძაგლიშვილი

ტელეკომპანია რუსთავი2-თან დაკავშირებით უზენაესი სასამართლოს გადაწყვეტილების სამოტივაციო ნაწილი დაუსაბუთებელია.

ამის შესახებ მედიას ტელეკომპანიის ადვოკატმა დიმიტრი საძაგლიშვილმა განუცხადა.

მისი თქმით, სასამართლოს გადაწყვეტილება მხოლოდ უშინაარსო ტექსტია.

მისი განმარტებით, 190-გვერდიან დოკუმენტში არცერთი არგუმენტი არ არის მოყვანილი, თუ რის საფუძველზე მიიღო უზენაესმა სასამართლომ გადაწყვეტილება.

ტელეკომპანიის იურისტები სტრასბურგის სასამართლოში გაგზავნილ დოკუმენტებზე სამოტივაციო ნაწილის დართვას, უახლოეს მომავალში გეგმავენ.

„სასამართლოსთვის საკმარისი აღმოჩნდა ქიბარ ხალვაშის მხოლოდ სიტყვიერი განცხადება, რომელიც არ იყო არგუმენტირებული და არ იყო გამყარებული შესაბამისი მტკიცებულებებით. და დაადგინა, რომ ქიბარ ხალვაშს იძულებით წაერთვა საკუთრების უფლება. ეს გადაწყვეტილება არის სრულიად დაუსაბუთებელი. დიდი ნაწილი არის უბრალოდ უშინაარსო ტექსტი. ამ გადაწყვეტილებიდან გავაანალიზებთ იმ გარემოებას, რომელიც ჩვენი აზრით, ჩვენი სამართლიანი სასამართლოს უფლების დარღვეაზე უსვამს ხაზს და შესაბამისად, გამოვიყენებთ ადამიანის უფლებათა დაცვის ევროპულ სასამართლოში ჩვენს მიერ წარსადგენ აპლიკაციაში“,-აღნიშნა ადვოკატმა.

მონიკა დავლიანიძე