მსოფლიო
საჭიროების შემთხვევაში რუსეთს ძალის პოზიციიდან დაველაპარაკებით - ჯეიმს მეტისი
აშშ-ის თავდაცვის მდივანმა ჯეიმს მეტისმა განაცხადა, რომ საჭიროების შემთხვევაში, რუსეთთან მოლაპარაკება ძალის პოზიციიდან უნდა წარიმართოს.
„ჩვენ ღია ვართ მოსკოვთან პარტნიორული ურთიერთობები აღვადგინოთ, მაგრამ ჩვენ რეალისტები ვართ. ჩვენს მოლოდინებში და ჩვენს დიპლომატებს ძალის პოზიციიდან მოლაპარაკებების წარმოების შესაძლებლობა ექნებათ“, - განცხადა მეტისმა ბრიუსელში, ნატოს თავდაცვის მინისტერიალზე.
მან ასევე განაცხადა, რომ აშშ იზიარებს ალიანსის ღირებულებებს.
„ჩვენ არ გვაქვს სურვილი, უარი ვთქვათ ალიანსის ღირებულებებზე და რუსეთს მივცეთ საშუალება, თავის ქმედებებით აქ შეკრებილებზე ხმამაღლა ისაუბროს“, - განაცხადა პენტაგონის თავჯდომარემ.
გარდა ამისა, მეტისმა ნატოს მინისტერიალზე წამოწია ალიანსში შემავალი ქვეყნების მიერ სამხედრო დანახარჯების საკითხი. მან განაცხადა, რომ ამერიკელი გადასახადის გადამხდელები ევროპული ქვეყნების მთავრობებზე უკეთ ვერ უზრუნველყოფენ მათი ქვეყნების უსაფრთხოებას.
ანა მებურიშვილი