პოლიტიკა

სადაა ჩემი შვილის მკვლელი? ეს არის ჩემი უდიდესი და მთავარი კითხვა გახარიასთან - ზაზა სარალიძე

დღეს, პარლამენტში შს მინისტრის, გიორგი გახარიას გამოსვლა ხორავას ქუჩაზე მოკლული დ ავით სარალიძის მამა, ზაზა სარალიძე დაესწრება. შვილმოკლული მამის თქმით, მისი მთავარი შეკითხვაა, სადაა მისი შვილის მკვლელი.

„ყოველდღე მე შს სამინისტროსგან და პროკურატურისგან ველოდები სიახლეებს, იქიდან გამომდინარე, რომ არაფერია გაკეთებული ბოლო სამი თვის განმავლობაში. რა თქმა უნდა, სიახლეებს ველოდები , ამის გამო ვარ ჩამოსული, რომ პირადად დავესწრო და მოვუსმინო მინისტრისა და დეპუტატების პასუხებს.

შს სამინისტროში ყოველთვის მიმეორებენ ერთსა და იმავეს, რომ მზად არიან დამნაშავეების დასაკავებლად, მაგრამ პროკურატურა ფაქტია, იკავებს თავს. პროკურატურას სხვა პასუხისმგებლობა აქვს, შსს-ს - სხვა.

სად არის ჩემი შვილის მკვლელი?- ეს არის ჩემი უდიდესი და მთავარი კითხვა, სამწუხაროდ, არა მგონია, ეს კითხვა დამასმევინონ“, - განაცხადა სარალიძემ.