სამართალი

სადახლოსა და თბილისის აეროპირტში 43,309 ლარის ღირებულების არადეკლარირებული ოქროსა და ვერცხლის ნაკეთობები აღმოაჩინეს

2 მარტიდან 5 აპრილის ჩათვლით, საბაჟო გამშვებ პუნქტებში „სადახლო-საავტომობილო“ და ,,თბილისის აეროპორტი”, დიდი ოდენობით ოქროსა და ვერცხლის საიუველირო ნაკეთობების ქვეყნის საზღვარზე უკანონოდ შემოტანის ფაქტები აღიკვეთა.

ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, რუსეთისა და საქართველოს მოქალაქეების რ.გ-ს, კ.რ-სა და გ.ტ-ს ფიზიკური დათვალიერებისას, ოქროს (ჯამში 374,59 გრ.) და ვერცხლის (ჯამში 7,63 კგ.) ნაკეთობები აღმოაჩინეს. საქონლის საერთო საბაჟო ღირებულებამ, საერთო ჯამში 43,309.88 ლარი შეადგინა.

ფინანსთა სამინისტროს შემოსავლების სამსახურის ინფორმაციით, საქართველოს საგადასახადო კოდექსის 289-ე მუხლის მე-10 ნაწილის შესაბამისად, სამართალდამრღვევ მოქალაქეებს, სანქციის სახით, ფულადი ჯარიმა, 43,309.88 ლარის ოდენობით შეეფარდათ.