უკან

სამართალი

9 აგვისტო, 2018 16:40
font-size

სადაც ტერორისტად გამომაცხადეს, რატომ უნდა მიკვირდეს, რომ ჩემი შვილის მკვლელები გაათავისუფლონ სასჯელისგან - ზაზა სარალიძე

ხორავას ქუჩაზე მოკლული დავით სარალიძის მამა, ზაზა სარალიძე გამოეხმაურა საქალაქო სასამართლოს გადაწყვეტილებას, რომლის მიხედვით აღნიშნულ საქმეზე დანაშაულის დაფარვაში ბრალდებული სამი პირი გირაოთი გაათავისუფლეს.

სარალიძემ თქვა, რომ გონივრული ეჭვი აქვს, რომ მოსამართლეს ეს გადაწყვეტილება მიაღებინეს.

„დღევანდელი ფაქტი, რაც მოხდა, სასამართლო პროცესიდან დანაშაულის დაფარვაზე პირების გათავისუფლება, ეს იყო უკვე მეტისმეტი და ძალიან გადაჭარბებული არა მარტო სასამართლოს მხრიდან, არამედ პროკურატურის მხრიდან. პირდაპირ შემიძლია ვთქვა, გონივრული ეჭვი მაქვს იმის, რომ ეს არ იყო მოსამართლის გადაწყვეტილება, ეს გადაწყვეტილება მას მიაღებინეს ძალით იქიდან გამომდინარე, რომ ზაზა სარალიძე გამოვიყვანოთ მწყობრიდან. მაგრამ ზაზა სარალიძეს ესენი მწყობრიდან ვერ გამოიყვანენ, ნაბიჯ-ნაბიჯ მივყვები სამართლებრივი წესით დავუმტკიცებ მე ამათ, რომ შერჩევითი სამართალი უნდა მოისპოს ჩვენს ქვეყანაში.

არც გამკვირვებია, სიმართლე გითხრათ, ეს გადაწყვეტილება. არ გამიკვირდება შემდგომი გადაწყვეტილებები, იქიდან გამომდინარე, რომ რაც შაბათ დღეს მოხდა ჩემი, ქალბატონი ელისო კილაძისა და ბატონი მალხაზ მაჩალიკაშვილის სტრაბურგში ვიზიტთან დაკავშირებით, რომ ცრუ დასმენით ხელისუფლებამ გადასცა გერმანიის ფედერაციას, რომ ჩვენ ვიყავით ტერორიზმში ეჭვმიტანილები.

სადაც ტერორისტად გამომაცხადეს, რატომ უნდა მიკვირდეს, რომ ჩემი შვილის მკვლელები, დანაშაულის დამფარავი იქნება თუ მკვლელი, გაათავისუფლონ სასჯელისგან“, -განაცხადა სარალიძემ.

სარალიძის თქმით, მის სიცოცხლეს საფრთხე ემუქრება.

„მე არ ვაპირებ უკან დახევას. ეს ბრძოლა გაგრძელდება ბოლომდე. ერთი შემიძლია პირდაპირ ვთქვა, წიწილებს შემოდგომაზე ითვლიან. მე პირადად და არა მხოლოდ მე, ბატონი მალხაზი და ქალბატონი ელისო უკვე დიდი საფრთხის ქვეშ ვართ ამ ხელისუფლებისგან. ჩემს სიცოცხლეს, ფაქტია, რომ საფრთხე ემუქრება, მთელი სახელმწიფო აპარატი ცდილობს ჩემს განეიტრალებას იქიდან გამომდინარე, რომ ძალიან ბევრი ადამიანი ხელისუფლებაში არის ჩარეული ჩემი შვილის მკვლელობის საქმის გაყალბებაში“, -აღნიშნა სარალიძემ.

ზაზა სარალიძემ სექტემბრიდან აქციები დააანონსა და მოსახლეობას მხარდაჭერისკენ მოუწოდა.

„ბოლომდე ვიბრძოლებ და პირდაპირ მინდა, მოვუწოდო საზოგადოებას. სექტემბრიდან მე პირადად ვაპირებ აქციების გაგრძელებას, რისთვისაც დამჭირდება ხალხის გვერდში დგომა, არა მარტო იმაში, რომ ჩემი შვილის მკვლელობის საქმე გაიხსნას, არამედ ერთხელ და სამუდამოდ უნდა დასრულდეს შერჩევითი სამართალი ჩვენს ქვეყანაში. ერთხელ და სამუდამოდ უნდა იზეიმოს ქართველმა ხალხმა, ჭეშმარიტებამ და სამართალმა.

ძალიან გთხოვთ ყველას, აქ არ არის საუბარი მხოლოდ ჩემი შვილის მკვლელობაზე, საქართველოს მომავალი თაობა მიემართება უფსკრულისკენ. ძალიან გთხოვთ, გავერთიანდეთ ყველა, რათა ეს შერჩევითი სამართალი ერთხელ და სამუდამოდ მოვსპოთ და გავანადგუროთ“, - თქვა სარალიძემ.

ვერაზე სროლის საქმეზე დაკავებულ ორივე ბრალდებულს აღკვეთის ღონისძიებად პატიმრობა შეეფარდა

18 იანვარი, 2019 , 16:25

თბილისში, მელიქიშვილის გამზირზე სროლის საქმეზე დაკავებულ ორივე ბრალდებულს აღკვეთის ღონისძიებად პატიმრობა შეეფარდა. ამის შესახებ პირველი არხი წერს. მოსამართლე რომან ხორავამ ბრალდების მხარის პოზიცია გაითვალისწინა. ბრა

შსს-მ დიდ დიღომში აფეთქების ფაქტზე „ყაზტრანსგაზის“ ორი თანამშრომელი დააკავა

18 იანვარი, 2019 , 15:27

შინაგან საქმეთა სამინისტროს თბილისის პოლიციის დეპარტამენტის თანამშრომლებმა, პროკურატურასთან ერთობლივად ჩატარებული საგამოძიებო ღონისძიებების შედეგად, დიდ დიღომში, ავთანდილის ქუჩა N8-ში, საცხოვრებელ კორპუსში ბუნებრივი აირი

პირები, რომლებმაც 2019 წლის 15 იანვრამდე ადმინისტრაციული სამართალდარღვევა ჩაიდინეს, სახდელისგან თავისუფლდებიან

18 იანვარი, 2019 , 14:51

ფულადი სახის ადმინისტრაციული სახდელისგან თავისუფლდებიან პირები, რომლებმაც ადმინისტრაციული სამართალდარღვევა 2019 წლის 15 იანვრამდე ჩაიდინეს. როგორც პრემიერ-მინისტრმა, მამუკა ბახტაძემ განაცხადა, შესაბამისი დადგენილება მთავ

დიდ დიღომში აფეთქებასთან დაკავშირებით დაკავებულია ორი პირი

18 იანვარი, 2019 , 14:22

საქართველოს პრემიერ-მინისტრის, მამუკა ბახტაძის ინფორმაციით, დიდ დიღომში მომხდარ აფეთქებასთან დაკავშირებით დაკავებულია ორი პირი. ამის შესახებ მამუკა ბახტაძემ ბრიფინგზე განაცხადა. „დიდი ტრაგედია დაგვატყდა თავს ორი დღ

დიდი ოდენობით ნარკოტიკული საშუალების გასაღებისთვის ბრალდებულებს 8 და 7 წლით თავისუფლების აღკვეთა მიესაჯათ

18 იანვარი, 2019 , 14:04

თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და დიდი ოდენობით ნარკოტიკული საშუალებების გასაღებისთვის ბრალდებულები თ.ჩ.და გ.მ. დამნაშავედ ცნო. გენერალური პროკურატურის ინფორ

დაუყოვნებლივ მიეცეს პასუხისმგებლობაში ყაზტრანგაზი, როგორც ამ დანაშაულის ჩამდენი - ადვოკატი

18 იანვარი, 2019 , 11:38

აფეთქების შედეგად დაზარალებული კომპანიის ადვოკატი, ალექსანდრე კობაიძე აცხადებს, რომ ყაზტრანგაზ-თბილისმა პროფესიული გულგრილობა გამოიჩინა. მისი აზრით, კომპანიამ პასუხისმგებლობა უნდა აიღოს და ჯოხი კომპანიაზე არ უნდა გადატეხ