პოლიტიკა

„საერთაშორისო გამჭვირვალობა - საქართველო” საარჩევნოდ ადმინისტრაციული რესურსების გამოყენების მონიტორინგის შუალედურ შედეგებს აქვეყნებს

„საერთაშორისო გამჭვირვალობა - საქართველოს” დაკვირვებით, ადგილობრივი თვითმმართველობის არჩევნებისთვის 2017 წლის 1 ივნისიდან 10 ოქტომბრამდე პერიოდში ადმინისტრაციული რესურსების გამოყენების თვალსაზრისით გამოიკვეთა რამდენიმე ნეგატიური ტენდენცია, რასაც შესაძლოა უარყოფითი გავლენა მოეხდინა საარჩევნო პროცესზე, - ამის შესახებ ნათქვამია ,,საერთაშორისო გამჭვირვალობა - საქართველოს“ მიერ აგმოქვეყნებულ შუალედურ ანგარიშში.

როგორც ორგანიზაციაში აცხადებენ, განსაკუთრებით პრობლემური იყო საბიუჯეტო ორგანიზაციებში დასაქმებული თანამშრომლების საარჩევნო კამპანიაში ჩართვა.

საანგარიშო პერიოდში ორგანიზაციამ ადმინისტრაციული რესურსის გამოყენების შემთხვევებზე სულ 16 საჩივარი შეიტანა ცენტრალურ და სხვადასხვა საოლქო საარჩევნო კომისიებში. მათგან დაკმაყოფილდა ერთი, არ დაკმაყოფილდა 10 საჩივარი, ხოლო განხილვაშია 5 საჩივარი.

,,ინსტიტუციური ადმინისტრაციული რესურსების საარჩევნო მიზნით გამოყენება

ადმინისტრაციული რესურსების სხვა სახეობებთან შედარებით, ამ ტიპის რესურსის არამიზნობრივი გამოყენება ყველაზე მეტად პრობლემური იყო“, - აცხადებენ ,,საერთაშორისო გამჭვირვალობა - საქართველოში.“

ორგანიზაციის მიერ ჩატარებული მონიტორინგის შუალედური შედეგები იხილეთ სრულად ბმულზე.