საზოგადოება

საკადრო ცვლილებები განათლების სამინისტროში - თანამდებობიდან 6 პირი გათავისუფლდა

განათლების სამინისტროში მასშტაბური საკადრო ცვლილებებია.

როგორც განათლების მინისტრმა მიხეილ ბატიაშვილმა უწყებასი გამართულ საგანგებო ბრიფინგზე განაცხადა, სამინისტროში თანამდებობებზე მყოფი რამდენიმე პირის გათავისუფლების გადაწყვეტილება დაგეგმილი რეფორმების გათვალისწინებით მოხდა.

კერძოდ, მისი თქმით, თანამდებობას ტოვებენ:

თემურ მურღულია და ლია გიგაური - მინისტრის მოადგილეები ;

თამარ სანიკიძე - განათლების ხარისხის განვითარების ეროვნული ცენტრის დირექტორი;

გიორგი მაჩაბელი - მასწავლებელთა პროფესიული განვითარების ეროვნული ცენტრის დირექტორი;

მანანა მიქაბერიძე - შოთა რუსთაველის საქართველოს ეროვნული სამეცნიერო ფონდის გენერალური დირექტორი;

მაია მიმინოშვილი - შეფასების და გამოცდების ეროვნული ცენტრის დირექტორი.

მინისტრმა მადლობა გადაუხადა ყველა მათგანს გაწეული სამუშაოსთვის და აქვე აღნიშნა, რომ უწყებაში მოადგილეების რაოდენობა მცირდება და 7-ის ნაცვლად იქნება - 5.

,,ცვლილებები ასევე გაგრძელდება და უახლოეს პერიოდში ასევე იხილავთ დანარჩენ ცვლილებებს.

უახლოს მომავალში ასევე, მოგაწვდით ინფორმაციას სისტემაში ახალ კადრებთან დაკავშირებით. დანიშვნები მოხდება შესაბამისი პროცედურების გათვალისწინებით“, - განაცხადა ბატიაშვილმა.