პოლიტიკა

საკონსტიტუციო კომისიის მიერ შემუშავებული საკითხი საარჩევნო რეფორმასთან დაკავშირებით შეშფოთებას იწვევს - ბორის სილევიჩი

ადამიანის უფლებათა ევროპული სასამართლოს მოსამართლეთა არჩევის კომიტეტის თავმჯდომარის ბორის სილევიჩის განცხადებით, მას საკონსტიტუციო ცვლილებებზე მომუშავე კომისიის მიერ მომზადებული პროექტი ჯერ არ მიუღია, შესაბამისად არც ანგარიშია განხილული.

ამასთან, როგორც სილევიჩმა განაცხადა, საერთო ჯამში იგი საკონსტიტუციო ცვლილებებთან განვითარებულ მოვლენებს დადებითად აფასებს, თუმცა გამოყოფს საარჩევნო რეფორმასთან დაკავშირებულ საკითხებს, რომელსაც საქართველოს მთავრობის წევრებთან განიხილავს.

„ჩვენ მხოლოდ ინფორმაცია მივიღეთ, ასე რომ დოკუმენტი და ანგარიში არ განგვიხილავს. თუმცა, უახლოეს მომავალში დავწერ მოხსენებას იმის შესახებ, თუ რა ვნახეთ და რა მოვისმინეთ. საერთო ჯამში საკონსტიტუციო ცვლილებებთან მიმართებით განვითარებულ პროცესებს პოზიტიურად ვაფასებ. თუმცა, შეშფოთებას იწვევს რამდენიმე საკითხი საარჩევნო რეფორმასთან დაკავშირებით. ამ საკითხებს საქართველოს მთავრობის წევრებთან განვიხილავთ. საქართველოში საარჩევნო სისტემის მოდელი განსხვავდება ევროპული ქვეყნების საარჩევნო სისტემისგან. საარჩევნო სისტემაში არსებული ხარვეზების გამო იქმნება სირთულეებიც. მაგალითად, მთავრობის ფორმირებისას“,-აღნიშნა სილევიჩმა.

მონიკა დავლიანიძე