უახლესი ამბები
არქივი
პოლიტიკა
საკონსტიტუციო ცვლილებებზე საზოგადოებასთან სასაუბროდ ჩვენ მზად ვართ - ირაკლი კობახიძე
საკონსტიტუციო ცვლილებებზე საზოგადოებასთან სასაუბროდ ჩვენ მზად ვართ, ჩვენ გახსნილი ვართ და იმედი გვაქვს, რომ იგივე პოზიცია ექნება საქართველოს პრეზიდენტსაც, - განუცხადა ჟურნალისტებს საქართველოს პარლამენტის თავმჯდომარემ, ირაკლი კობახიძემ.
მისი თქმით, საკონსტიტუციო ცვლილებებზე საზოგადოებასთან სასაუბროდ კომისიის წევრები მზად არიან.
"პრეზიდენტს წარვუდგინეთ ჩვენი შეთავაზება და ახლა ველოდებით პასუხს. საყოველთაო სახალხო განხილვა გულისხმობს ზუსტად იმას, რომ საზოგადოებასთან სხვადასხვა პოზიციები განვიხილოთ. ყველას გვაქვს ჩვენი მოსაზრებები კონკრეტულ საკითხებთან დაკავშირებით, რომელიც არის ასახული კონსტიტუციაში. განხილვა ზუსტად ამას გულისხმობს, რომ ჩვენ ჩვენი მოსაზრებები საზოგადოებასთან ერთად განვიხილოთ. ჩვენ ამისთვის ვართ გახსნილი და იმედია, იგივე პოზიცია ექნება საქართველოს პრეზიდენტსაც. ჩვენ მზად ვართ ხალხთან კონსტრუქციული საუბრისთვის. ჩვენი პოზიციები არის მყარი და არ გვეშინია ასეთი განხილვის“, - განაცხადა ირაკლი კობახიძემ.