პოლიტიკა

საკრებულოს დეპუტატებმა თედო კობახიძე იურიდიული კომისიის თავჯდომარის პოსტზე დატოვეს

თედო კობახიძე იურიდიული კომისიის თავმჯდომარის თანამდებობაზე რჩება. გადაწყვეტილება თბილისის საკრებულოს რიგგარეშე სხდომაზე კენჭისყრის შედეგად მიიღეს. კობახიძეს 31-მა დეპუტატმა დაუჭირა მხარი, 7 -მა კი მის წინააღმდეგ მისცა ხმა. ერთმა დეპუტატმა კენჭისყრაში მონაწილეობისგან თავი შეიკავა.

თედო კობახიძის თანამდებობიდან გადაყენების მოთხოვნით საკრებულოს დამოუკიდებელი დეპუტატი ალეკო ელისაშვილი გამოვიდა. ფრაქცია „რესპუბლიკელების“ თავჯდომარის ხათუნა სამნიძისა და მისი წევრის დავით ზურაბიშვილის თქმით, საკრებულოს 13-მა დეპუტატმა მოაწერა ხელი კენჭისყრის ჩატარებას.

თედო კობახიძემ განაცხადა, რომ ბრალდება თანამშრომლებზე ზეწოლის შესახებ არ დასტურდება და მისი გადაყენების მსურველებს მხოლოდ საკითხის პოლიტიზება სურთ.

ანა მებურიშვილი