რეგიონები

საკურორტო სეზონისთვის სასტუმროებში უსაფრთხოების ზომების კონტროლი გამკაცრდება - ზვიად ქაწაშვილი

საკურორტო სეზონისთვის სასტუმროებში უსაფრთხოების ზომების კონტროლი გამკაცრდება, რაზეც წელს განსაკუთრებით იზრუნებს საგანგებო სიტუაციათა მართვის სააგენტო, - განუცხადა ჟურნალისტებს დღეს ბათუმში სააგენტოს დირექტორმა ზვიად ქაწაშვილმა.

„ყველას გვახსოვს ტრაგიკული შემთხვევა ორი წლის წინ ქობულეთში, ამიტომ ამ კუთხით მეტი ყურადღებაა საჭირო. ამისთვის ჩვენი სამსახური უკვე ზრუნავს. ყველა სასტუმრო შემოწმებულია და მათზე პირველი რეკომენდაციები გაცემულია, რომელიც მათი მხრიდან უნდა იყოს გათვალისწინებული. მიცემულია გონივრული ვადები, რათა სახანძრო უსაფრთხოება გამოსწორდეს. ამ ვადებში თუ არ გამოასწორეს, ისინი დაჯარიმდებიან. ეს სავალდებულოა და მაქსიმალური სიმკაცრით გაკონტროლდება“- განაცხადა საგანგებო სიტუაციათა მართვის სააგენტოს ხელმძღვანელმა.

ნინო ექვთიმიშვილი