პოლიტიკა

სალომე ზურაბიშვილი დღეს პარლამენტთან დაგეგმილ აქციას შეუერთდება და სიტყვით გამოვა

საქართველოს პრეზიდენტი დღეს პარლამენტთან აქციას შეუერთდება. სალომე ზურაბიშვილი გეგმავს, 21:00 საათზე საზოგადოებას სიტყვით მიმართოს. ამის შესახებ პრზიდენტმა გუშინ საგანგებო ბრიფინგზე განაცხადა და აღნიშნა, რომ მნიშვნელოვანია, ყველამ ერთად კიდევ ერთხელ დააფიქსიროს, რომ ახალი არჩევნები მთელი ქვეყნის მოთხოვნაა.

დღეს, დღის განმავლობაშიც დედაქალაქის მასშტაბით, ათზე მეტი საპროტესტო აქტივობა და მარშია დაგეგმილი. პროტესტი პარლამენტთან კი ტრადიციულად 19:00 საათზე არის ჩანიშნული.

დღეს უკვე 25-ე დღეა, რაც მოქალაქეები საპროტესტო აქციებს მართავენ. პროტესტის მონაწილეების მოთხოვნაა აქციების პერიოდში დაკავებული მოქალაქეების გათავისუფლება და ახალი არჩევნების დანიშვნა.

ცნობისთვის, მასშტაბური პროტესტი "ქართული ოცნების“ 28 ნოემბრის გადაწყვეტილებამ გამოიწვია, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.