მსოფლიო

სამი დღის წინ შევხდი - მიხეილ სააკაშვილი ჩერკასელი დეპუტატის მკვლელობას გამოეხმაურა

28 სექტემბერს უკრაინაში ქალაქ ჩერკასების საკრებულოს დეპუტატი მიხაილ ბინუსოვი მოკლეს. ამ ფაქტს საქართველოს ყოფილი პრეზიდენტი და ოდესის ექს-გუბერნატორი, მიხეილ სააკაშვილი ფეისბუკის საკუთარ გვერდზე გამოეხმაურა.

„ახალი ძალების მოძრაობის“ ლიდერის თქმით, ის ბინუსოვს სამი დღის წინ შეხვდა.

„სამი დღის წინ საინტერესო შეხვედრა მქონდა ქალაქ ჩერკასების საკრებულოში შემავალი ფრაქციების ლიდერებთან. შეხვედრაზე იყო ჩემი სეხნიაც, მიხაილ ბინუსოვი უკროპიდან. ის წუწუნებდა, რომ ჩერკასები ბანდიტებმა დაიპყრეს და ამბობდა, რომ ყველა უნდა გავერთიანდეთ მათ წინააღმდეგ, თორემ საქმე ცუდად იქნება.

გუშინ საღამოს გავიგე, რომ ის მის სახლთან უცნობებმა ავტომატით ჩაცხრილეს. მიშას პატარა ბავშვი დარჩა. მინდა თანაგრძნობა გამოვუცხადო მერს, ჩერკასების საკრებულოსა და ყველა ჩერკასელს. ჩვენ ის ყველაფერი უნდა გავაკეთოთ, რისკენაც ბინუსოვი მოგვიწოდებდა - გავერთიანდეთ ადამიანური სიცოცხლის გადასარჩენად უკანონობისა და ქაოსის წინაღმდეგ“, -დაწერა სააკაშვილმა.