უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
სამთავრობო სტრუქტურებმა სიტყვა მეცნიერების აზრი არ იციან - რევაზ არველაძე
როგორც ჩანს, სამთავრობო სტრუქტურებმა სიტყვა მეცნიერების აზრი არ იციან, – განაცხადა საპარლამენტო უმრავლესობის წევრმა რევაზ არველაძემ პარლამენტის დღევანდელ სხდომაზე.
ის განათლებისა და კულტურის სამინისტროების გაერთიანების შემდეგ სახელწოდებაში სიტყვა მეცნიერების ამოღების საკითხს გამოეხმაურა და პარლამენტის თავმჯდომარეს მიმართა.
„ბატონო ირაკლი, მინდა, მოგმართოთ თქვენ და პატივცემულ კოლეგებს, რადგან, როგორც ჩანს, სამთავრობო სტრუქტურებმა სიტყვა „მეცნიერების“ აზრი არ იციან, რა არის სამეცნიერო ტექნიკური პროგრესი, არ იციან. მიდის ლაპარაკი – შიგნით ჩვენ გავითვალისწინებთ, პრიორიტეტად გვექნება და ა.შ. როგორც კომუნისტური პერიოდის დროს იყო, ეს არის ჯიბრში ჩადგომა, რომ სხვისი წინადადება არ მიიღო. მე ჯიბრში არ ჩავუდგები არავის, მხარს დავუჭერ წარმოდგენილ კანონპროექტს, თუმცა მიმაჩნია, რომ არასწორია ამის არგათვალისწინება. გულით მინდა, რომ რეფორმებმა გამოიღოს შედეგი, ყოველ შემთხვევაში, ამას ჩვენი პარლამენტი დარჩენილი ორი წლის განმავლობაში დაინახავს და ღმერთმა ქნას, მართლა ასე იყოს, როგორც არის წარმოდგენილი“, – განაცხადა არველაძემ.
დეპუტატმა ეს განცხადება მას შემდეგ გააკეთა, რაც მთავრობის საპარლამენტო მდივანმა ნათია მიქელაძემ სამინისტროს დასახელებაში სიტყვა „მეცნიერების“ ჩაწერის მოთხოვნაზე განაცხადა, რომ დასახელება პრიორიტეტებს არ განსაზღვრავს.
„ამასთან დაკავშირებით ჩვენ გვქონდა გუშინ საუბარი, კონსულტაციები, თუმცა ამ ეტაპზე ჩვენ მივიჩნევთ, რომ დასათაურებანი პრიორიტეტებს არ განსაზღვრავს. გაცხადებული იყო, რომ პრიორიტეტი იქნება, რა თქმა უნდა მეცნიერება, განათლება, ყველა დარგი პრიორიტეტული არის მთავრობისთვის და შესაბამისად, კონკრეტულად ამ მიმართულებით პრემიერ-მინისტრის მხრიდანაც იქნა განცხადებული, იქნება კიდევ უფრო მეტი ყურადღება დათმობილი, როგორც ბიუჯეტის თვალსაზრისით, ასევე სხვა მიმართულებითაც. ამიტომ, ვფიქრობთ, ის დასათაურება, რაც არის წარმოდგენილი, უნდა დარჩეს ამ სახით“, – განაცხადა ნათია მიქელაძემ.