საზოგადოება

საპატრიარქოში გამართულ შეხვედრას გიორგი გახარიაც ესწრებოდა

საქართველოს პრემიერ-მინისტრი გიორგი გახარია საქართველოს საპატრიარქოში იმყოფებოდა. ინფორმაციას პრემიერ-მინისტრის პრესსამსახურში ადასტურებენ.

არსებული ინფორმაციით, საპატრიარქოსა და ხელისუფლების წარმომადგენლებს შორის გამართულ შეხვედრას დაესწრნენ ჯანდაცვის მინისტრი ეკატერინე ტიკარაძე და დაავადებათა კონტროლის ეროვნული ცენტრის ხელმძღვანელი ამირან გამყრელიძე.

როგორც გამყრელიძემ შეხვედრის დასრულების შემდეგ „ინტერპრესნიუსს“ განუცხადა, შეხვედრაზე საუბარი მხოლოდ სააღდგომო ლიტურგიას არ ეხებოდა. „საუბარი მარტო სააღდგომო ლიტურგიაზე არ იყო. მის უწმინდესობასთან ზოგადად, ვისაუბრეთ ეპიდსიტუაციაზე, რა ხდება ქვეყანაში და მსოფლიოში“, - განაცხადა ამირან გამყრელიძემ.

საპატრიარქოში მიმდინარე შეხვედრის სხვა დეტალები ჯერ უცნობია. შეხვედრის შესახებ განცხადება სავარაუდოდ, ხვალ გაკეთდება.