უკან

უახლესი ამბები

დღის კალენდარი

ანონსები

არქივი

პოლიტიკა

25 მაისი, 2018 14:50
font-size

საქართველო-აშშ-ს სტრატეგიული ურთიერთობები სხვადასხვა განზომილებით მდიდრდება - გიორგი კვირიკაშვილი

რეგიონში საქართველოს პოზიციიდან და აშშ-თან ჩვენი ურთიერთობების განსაკუთრებული ხასიათიდან გამომდინარე, ერთმნიშვნელოვნად შეგვიძლია ვთქვათ, რომ საქართველოს მნიშვნელობა იზრდება, - განაცხადა საქართველოს პრემიერ-მინისტრმა, გიორგი კვირიკაშვილმა მთავრობის დღევანდელ სხდომაზე, სადაც აშშ-ში ვიზიტი შეაჯამა.

მისი თქმით, აშშ-ში საქართველოს წარმომადგენლობითი დელეგაციის ვიზიტის შედეგად, ორმხრივი სტრატეგიული ურთიერთობები სხვადასხვა განზომილებით მდიდრდება.

,,აშშ-ში ჩვენი ძალიან მნიშვნელოვანი ვიზიტი კონკრეტულ შედეგებსა და ნაბიჯებზე ორიენტირებული ძალიან მნიშვნელოვანი მოლაპარაკებებით აღინიშნა.

პირველ რიგში მინდა ვთქვა, რომ ჩვენი დელეგაციისთვის უდიდესი პატივი იყო აშშ-ის ვიცე-პრეზიდენტ მაიკ პენსის სტუმრობა მის პირად რეზიდენციაში, სადაც განხილული იყო საქართველოსთვის მნიშვნელოვანი პრაქტიკულად ყველა საკითხი. შედგა ძალიან ხანგრძლივი, დეტალური მოლაპარაკებები და მინდა, დიდი მადლიერების გრძნობით აღვნიშნო, რომ ვიცე-პრეზიდენტის მხრიდან გამოითქვა საქართველოსადმი მხარდაჭერის მზადყოფნა ჩვენი ქვეყნისთვის სასიცოცხლოდ მნიშვნელოვანი ყველა მიმართულებით. ეს გახლავთ კონკრეტული ნაბიჯების გადადგმა, როგორც საქართველოს ნატოში ინტეგრირების, ასევე - სავაჭრო-ეკონომიკური ურთიერთობების გაღრმავების მიმართულებით და რა თქმა უნდა - საქართველოს ტერიტორიული მთლიანობისა და სუვერენიტეტის მხარდაჭერა და ამ კუთხით საერთაშორისო ძალისხმევისა და აშშ-ის მაკონსოლიდირებელი როლის კიდევ უფრო გაძლიერება.

ასევე, ძალიან მნიშვნელოვანი შეხვედრა გვქონდა აშშ-ის სახელმწიფო მდივან მაიკ პომპეოსთან. საქართველო იყო ერთ-ერთი პირველი ქვეყანა, რომელსაც სახელმწიფო მდივანი თანამდებობაზე დანიშვნის შემდეგ შეხვდა, რაც ასევე არის ჩვენი ქვეყნისადმი განსაკუთრებული მხარდაჭერის გამოხატულება. ჩვენ ერთობლივი განცხადებებით გავხსენით სტრატეგიული პარტნიორობის კომისიის პლენარული სხდომა, სადაც გაჟღერდა ძალიან მნიშვნელოვანი გზავნილები, მათ შორის მოწოდება რუსეთს ფედერაციის მიმართ, რომ 2008 წლის ცეცხლის შეწყვეტის ხელშეკრულება აუცილებლად უნდა იყოს შესრულებული; დაფიქსირდა საქართველოს ნატოში ინტეგრაციის მიმართულებით კონკრეტული ნაბიჯების გადადგმის მზაობა. ეს ჩვენთვის კიდევ უფრო მნიშვნელოვანია ნატოს ბრიუსელის ივლისის სამიტის მოახლოების გათვალისწინებით და დიდი იმედი გვაქვს, ასევე კონკრეტულინ აბიჯები იქნება გადადგმული ამ მიმართულებით.

რა თქმა უნდა, გაიმართა ბევრი მნიშვნელოვანი შეხვედრა კონგრესში, სენატში. შევხვდით წარმომადგენელთა პალატის წევრებს, სენატორებს და ყველას მხრიდან ერთხმად აღინიშნა განუხრელი მხარდაჭერა ჩვენი ქვეყნის საგარეო-პოლიტიკური პრიორიტეტების განხორციელების, ჩვენს ქვეყანაში დემოკრატიის განვითარებისა და ორმხრივი სავაჭრო-ეკონომიკური ურთიერთობების გაღრმავების კუთხით.

ვიზიტის პერიოდში ძალიან მნიშვნელოვანი შეხვედრები გამართა პირველმა ვიცე-პრემიერმა, ეკონომიკისა და მდგრადი განვითარების მინისტრმა, რომლებიც ეძღვნებოდა სავაჭრო-ეკონომიკური ურთიერთობების გაღრმავებას. ჩვენ აბსოლუტურად ყველა შეხვედრაზე აღვნიშნეთ ძალიან დიდი მნიშვნელობა იმისა, რომ საქართველომ აშშ-თან დაიწყოს თავისუფალ ვაჭრობაზე მოლაპარაკებები. დღეს კონკრეტული შემდგომი ნაბიჯების შესახებ სპეციალურად არ მინდა განვაცხადო, მაგრამ ჩვენ ძალიან დიდი იმედი გვაქვს, რომ ამ მიმართულებით მიღწეული იქნება პროგრესი.

ასევე, უმნიშვნელოვანესი შეხვედრები გამართა თავდაცვის მინისტრმა აშშ-ის თავდაცვის დეპარტამენტში, სადაც საუბარი იყო საქართველოს თავდაცვისუნარიანობის განმტკიცების კუთხით აშშ-ის დახმარების კიდევ უფრო გაფართოებისა და გაძლიერების შესახებ.

ძალიან წარმატებული ვიზიტი იყო, რაც ჩვენ ნამდვილად გვახარებს. მინდა, ვიზიტის მაღალ დონეზე მომზადებისთვის განსაკუთრებული მადლობა გადავუხადო საგარეო საქმეთა სამინისტროსა და აშშ-ში საქართველოს საელჩოს, პირადად ვიცე-პრემიერს, საგარეო საქმეთა მინისტრ მიხეილ ჯანელიძეს და საქართველოს ელჩს აშშ-ში დავით ბაქრაძეს“, - განაცხადა პრემიერმა.

საქართველოს პრეზიდენტი ალბანეთის პრეზიდენტს ესაუბრა

4 ივნისი, 2020 , 17:30

საქართველოს პრეზიდენტი დღეს ალბანეთის პრეზიდენტს ესაუბრა. როგორც პრეზიდენტის პრესსამსახურში აცხადებენ, პრეზიდენტებმა კორონავირუსთან დაკავშირებით ქვეყნებში შექმნილი ვითარება განიხილეს და პანდემიის შემდგომ პერიოდში ეკონომი

რაც მეტი გავლენა გაქვს, მეტია პასუხისმგებლობა, ეს ეხება „ნაციონალურ მოძრაობას“ - გიგა ბოკერია

4 ივნისი, 2020 , 17:00

„მნიშვნელოვანია, რომ, პირველ რიგში, თბილისში საერთო მაჟორიტარულ კანდიდატებზე შეთანხმება მალე შედგეს. ოპოზიციური პარტიები, რომლებიც საერთო კანდიდატებზე თავიდანვე საუბრობდნენ, შეთანხმების ერთგულნი უნდა დარჩნენ, -ამის

საერთო მაჟორიტარ კანდიდატებზე შეთანხმება, ეს არის საკვანძო ელემენტი ოპოზიციის გამარჯვებისთვის - დავით ბაქრაძე

4 ივნისი, 2020 , 15:35

„ევროპული საქართველოს“თავმჯდომარის, დავით ბაქრაძის განცხადებით, საერთო მაჟორიტარ კანდიდატებზე შეთანხმება, ეს არის საკვანძო ელემენტი ოპოზიციის გამარჯვებისთვის მომავალ საპარლამენტო არჩევნებში. „მინდა, თავ

აბსოლუტურად მიუღებელია ჩემთვის ოპოზიციის ერთიან კანდიდატზე შეთანხმება - დავით ჭიჭინაძე

3 ივნისი, 2020 , 17:39

ოპოზიციის ერთიანი კანდიდატები ჩემთვის მიუღებელიცაა და განუხორციელებელიც, - ამის შესახებ პოლიტიკური მოძრაობა „ტრიბუნას“ ლიდერმა დავით ჭიჭინაძემ განაცხადა. ჭიჭინაძის თქმით, ოპოზიციის ნაწილსა და „ქართულ ოც

„საქართველოს შრომის კოდექსში“ შესატან ცვლილებებზე დღეს პირველი მოსმენა გაიმართა

3 ივნისი, 2020 , 16:35

პარლამენტის დამოუკიდებელი დეპუტატის, ბექა ნაცვლიშვილის მიერ მომზადებულ საქართველოს ორგანულ კანონში „საქართველოს შრომის კოდექსში“ შესატან ცვლილებებზე დღეს პირველი მოსმენა გაიმართა. ბექა ნაცვლიშვილის განცხადები

გახარია თანამდებობას ტოვებს

3 ივნისი, 2020 , 16:05

გიორგი გახარია პოსტს ტოვებს - პრემიერის თანამდებობიდან მისი წასვლა ივანიშვილის კარზე რამდენიმე კვირის წინ იყო გადაწყვეტილი. ჩვენი ინფორმაციით, გახარიამ  გადაწყვეტილებას ფორმალურად უახლოეს საათებში აღა

პირდაპირი TV

daily calendar

ვიდეო გალერეა

ქრისტე აღსდგა!