უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
სამართალი
საქართველოს ადვოკატთა ასოციაცია განცხადებას ავრცელებს
საზოგადოებრივი ადვოკატების შეფასების წესსა და კრიტერიუმებთან დაკავშირებით საქართველოს ადვოკატთა ასოციაცია განცხადებას ავრცელებს:
„საზოგადოებრივი ადვოკატების მიერ საქართველოს ადვოკატთა ასოციაციისთვის მომართვის საფუძველზე, ჩვენთვის ცნობილია, რომ საზოგადოებრივი ადვოკატების ნაწილი სასამართლო წესით ასაჩივრებს იურიდიული დახმარების საბჭოს იმ გადაწყვეტილებას, რომლითაც სსიპ იურიდიული დახმარების სამსახურში ინერგება იურიდიული დახმარების ხარისხის შეფასების წესები და კრიტერიუმები. მოსარჩელე ადვოკატთა წუხილს იწვევს ის ფაქტი, რომ ზემოხსენებულმა შეფასების სისტემამ შესაძლოა საფრთხე შეუქმნას საადვოკატო საქმიანობის ორ უმთავრეს პრინციპს: ადვოკატის დამოუკიდებლობასა და კონფიდენციალურობას.
აღნიშნულის საფუძველზე, საქართველოს ადვოკატთა ასოციაციამ მიმართა ევროპის ადვოკატთა ასოციაციებისა და სამართლის საზოგადოებების საბჭოს (CCBE) თხოვნით, წარმოედგინა საკუთარი მოსაზრება იურიდიული დახმარების საბჭოს გადაწყვეტილებასთან დაკავშირებით. CCBE-ის საპასუხო წერილში ვკითხულობთ:
„CCBE-ის სურს გამოხატოს სერიოზული შეშფოთება იურიდიული დახმარების სამსახურის მიერ მიღებულ გადაწყვეტილებასთან დაკავშირებით, ვინაიდან აღნიშნულმა შესაძლოა გამოიწვიოს იურიდიული პროფესიის უმთავრესი პრინციპების, განსაკუთრებით კი - დამოუკიდებლობის და კონფიდენციალობის პრინციპების დარღვევა.“
ასევე, „შემოთავაზებული ხარისხის შეფასების სისტემის წესები ეწინააღმდეგება ადამიანის უფლებათა ევროპული კონვენციის მე-6 მუხლს და აგრეთვე ევროკავშირის ადამიანის ფუნდამენტურ უფლებათა ქარტიის 47 და 48(2) მუხლებს და ამ მუხლებთან დაკავშირებულ სამართლებრივ პრაქტიკას.“
„ადვოკატების მიერ იურიდიული დახმარების მიწოდებასთან დაკავშირებით, CCBE-ის რეკომენდაციები ადგენს, რომ ამგვარი მონიტორინგი შესაძლოა ჩატარდეს შესაბამისი ადვოკატთა ასოციაციის მიერ და არა იურიდიული დამხარების ადმინისტრირებაზე პასუხისმგებელი სხვა შესაძლო სუბიექტის მიერ.“
CCBE-ის წერილის სრული ვერსიის გასაცნობათ იხილეთ: ინგლისური / ქართული
ზემოაღნიშნულის გათვალისწინებით, საქართველოს ადვოკატთა ასოციაცია მოუწოდებს იურიდიული დახმარების საბჭოს განსაკუთრებული ყურადღებით მოეკიდოს საზოგადოებრივი ადვოკატების მიერ გაწეული იურიდიული დახმარების ხარისხის შეფასების სისტემას და უზრუნველყოს ისეთი მექანიზმის შემუშავება, რომლითაც სრულად იქნება გარანტირებული ადვოკატის დამოუკიდებლობისა და პროფესიული საიდუმლოების დაცვის პრინციპები.“ - ნათქვამია განცხადებაში.