პოლიტიკა

საქართველოში ბოლოდროინდელი მოვლენები იმედგაცრუებას იწვევს, ჩვენ მოქალაქეების მხარეს ვართ, თუმცა მთავრობის მოქმედებები მიუღებელია - ევროპის საკითხებში გერმანიის სახელმწიფო მინისტრი

ევროპულ მიდგომასთან დაკავშირებით საქართველოში ბოლოდროინდელი მოვლენები დიდ იმედგაცრუებას იწვევს, – ამის შესახებ ევროპის საკითხებში გერმანიის სახელმწიფო მინისტრმა, გიუნტერ კრიხბაუმმა განაცხადა.

მისივე თქმით, საქართველოს მთავრობის მოქმედებები მიუღებელია და ამასთან დაკავშირებით ყველა ვარიანტი განიხილება.

„რა თქმა უნდა, ყველა ვარიანტი განიხილება. ევროპულ მიდგომასთან დაკავშირებით საქართველოში ბოლოდროინდელი მოვლენები დიდ იმედგაცრუებას იწვევს. ჩვენ მოქალაქეების მხარეს ვართ, ჩვენ მათ მხარს ვუჭერთ, თუმცა მთავრობა და მთავრობის მოქმედებები მიუღებელია. ამიტომ, როგორც ვთქვი, ყველა ვარიანტი განიხილება“, – აღნიშნა გიუნტერ კრიხბაუმმა.