სამართალი

სასამართლოებმა გადაწყვეტილებების დასაბუთებულობის ხარისხი ევროპული სასამართლოს პრეცედენტებით უნდა გააძლიერონ- ნინო გვენეტაძე

საქართველოს უზენაესი სასამართლოს თავმჯდომარის, ნინო გვენეტაძის განცხადებით, სასამართლოებმა თავიანთი გადაწყვეტილებების დასაბუთებულობის ხარისხი, ევროპული სასამართლოს პრეცედენტებით უნდა გააძლიერონ.

ამის შესახებ გვენეტაძემ ჟურნალისტებს სასტუმრო „რედისონში“ განუცხადა, სადაც ევროპის საბჭოს პროექტის ფარგლებში, პარლამენტის იურიდიულ საკითხთა კომიტეტის სამუშაო შეხვედრა გაიმართა.

"სასამართლოებმა თავიანთი გადაწყვეტილებების დასაბუთებულობის ხარისხი, ევროპული სასამართლოს პრეცედენტებით უნდა გააძლიერონ და ამავდროულად, უფრო მეტ მნიშვნელობას იძენს ჩვენთვის ის გადაწყვეტილებები, რომელიც სტრასბურგმა საქართველოს წინააღმდეგ მიიღო.

როგორც სისხლის სამართლის ასევე სამოქალაქო სამართლის საპროცესო კანონმდებლობაში ჩვენ უკვე კარგა ხანია გვაქვს ნორმა გადაწყვეტილებების აღსრულებასთან დაკავშირებით. ძალიან საინტერესო ურთიერთობა გვაქვს ჩვენ ამ მხრივ საქართველოს პარლამენტთან და აღმასრულებელ ხელისუფლებასთან. ვფიქრობ, აღსრულების კუთხით სასამართლოებსაც აქვთ წინსვლა“,-აღნიშნა უზენაესი სასამართლოს თავმჯდომარემ.

მონიკა დავლიანიძე