სამართალი

სასამართლომ ”ბავშვთა სამყაროს” დირექტორს 50 ათასლარიანი გირაო შეუფარდა

თბილისის საქალაქო სასამართლომ ”ბავშვთა სამყაროს” დირექტორს, გიორგი მაჭავარიანს 50 ათასლარიანი გირაო, ამავე სამსახურის შიდა უსაფრთხოების სამსახურის თანამშრომელს კი 10 ათასი ლარის გირაო შეუფარდა.

პროკურატურა ბრალდებულების პატიმრობაში დატოვებას ითხოვდა.

ბრალდებულების ადვოკატის, გაგი მოსიაშვილის განცხადებით, პროკურატურის მიერ წაყენებული ბრალდება უსაფუძვლოა, თავად ბრალდებულები კი ბრალს არ აღიარებენ.

მისივე თქმით, პირების პატიმრობაში დატოვების საფუძველი არ არსებობდა.

საქართველოს მთავარმა პროკურატურამ საქალაქო სასამართლოს მიერ გაცემული განჩინების საფუძველზე სახანძრო უსაფრთხოების წესის დარღვევის ფაქტზე სს სავაჭრო სახლი ”ბავშთა სამყაროს” დირექტორი გიორგი მაჭავარიანი, ხოლო სამსახურეობრივი გულგრილობის ფაქტზე ამავე საზოგადოების შიდა უსაფრთხოების თანამშრომელი 27 ივლისს დააკავა.

ნინო ექვთიმიშვილი