სამართალი

სასამართლომ ე.წ. ციანიდის საქმეზე წინასასამართლო სხდომა ერთი თვით გადადო

თბილისის საქალაქო სასამართლოს გადაწყვეტილებით, ე.წ. ციანიდის საქმეზე წინასასამართლო სხდომა ერთი თვით გადაიდო.

აღნიშნული გადაწყვეტილებით, სასამართლომ დააკმაყოფილა მთავარი პროკურატურის შესაბამისი შუამდგომლობა.

შესაბამისად, მამა გიორგი მამალაძის საქმეზე წინასასამართლო სხდომა 5 აპრილის ნაცვლად 5 მაისს შედგება.

პროკურატურამ შესაბამისი შუამდგომლობით სასამართლოს რამდენიმე დღის წინ მიმართა, რის საფუძვლადაც საჭირო საგამოძიებო მოქმედებების ჩატარება დაასახელა.

რაც შეეხება დეკანოზ გიორგი მამალაძისთვის აღკვეთის ღონისძიების შეფარდების საკითხს, აღნიშნულზე სასამართლო დღეს იმსჯელებს.

სხდომა, რომელზეც უნდა გაირკვეს, დარჩება თუ არა ბრალდებული წინასწარ პატიმრობაში, თბილისის საქალაქო სასამართლოში 17:00 საათზე ჩაინიშნა.

ნინო ექვთიმიშვილი