უახლესი ამბები
არქივი
კომენტარი
სასამართლომ განაჩენი გამოუცხადა პროკურატურის სრულიად არასწორ გამოძიებას - ანა ნაცვლიშვილი
დღეს სასამართლომ განაჩენი გამოუცხადა პროკურატურის სრულიად არასწორ გამოძიებას, - განაცხადა პრეზიდენტის საპარლამენტო მდივანმა ანა ნაცვლიშვილმა ხორავას ქუჩაზე მოკლულ დავით სარალიძის მამასთან, ზაზა სარალიძესთან შეხვედრისას.
ნაცვლიშვილი პროკურატურასთან აქციაზე მივიდა და ზაზა სარალიძეს მხარდაჭერა გამოუცხადა.
"დღევანდელმა სასამართლომ დაადასტურა, რომ კითხვები პასუხგაუცემელი რჩება. დღეს სასამართლომ განაჩენი გამოუცხადა პროკურატურის სრულიად არასწორ გამოძიებას. ამ სიტუაციაში მნიშვნელოვანია კონკრეტული პირების პასუხისმგებლობის საკითხი დადგეს ვინც ამ სიტუაციამდე მიიყვანა საქმე. ასევე, საჭიროა სისტემაში გატარდეს რეფორმები“, - განაცხადა ნაცვლიშვილმა.
ცნობისათვის, დღეს სასამართლომ ერთ-ერთი ბრალდებული დავით სარალიძის მკვლელობის ნაწილში გაამართლა, ხოლო მეორე ბრალდებულს ბრალი გადაუკვალიფიცირა და მკვლელობის მცდელობაში ცნო დამნაშავედ.