უკან
არქივი
მსოფლიო
1 სექტემბერი, 2017 17:50
სერგეი ლავროვი საპრეზიდენტო არჩევნებში კენჭს არ იყრის
რუსეთის საგარეო საქმეთა მინისტრი სერგეი ლავროვი, 2018 წლის რუსეთის საპრეზიდენტო არჩევნებში კენჭს არ იყრის.
ამის შესახებ ლავროვმა მოსკოვის საერთაშორისო ურთიერთობების სახელმწიფო ინსტიტუტში განაცხადა.
სტუდენტის კითხვაზე, განიხილავთ თუ არა თავს საპრეზიდენტო კანდიდატად? - რუსეთის პირველი დიპლომატი პასუხობს: „არა, არ განვიხილავ“.
„გულწრფელად გეტყვით, ჩემთვის პრეზიდენტ პუტინთან მუშაობა არის კომფორტული და სასიამოვნო. მე ვხედავ, რომ ჩვენ კიდევ უამრავი ამოცანა გვაქვს შესასრულებელი საგარეო ფრონტზე. ის რომ ჩვენი სამინისტრო ამით აქტიურად არის დაკავებული, ჩემთვის ყველაზე მნიშვნელოვანია“,-აღნიშნა დიპლომატმა.
რუსეთში საპრეზიდენტო არჩევნები 2018 წლის 18 მარტს გაიმართება.
მონიკა დავლიანიძე