უკან

მსოფლიო

31 მარტი, 2018 13:05
font-size

სერგეი სკრიპალთან ერთად ჩემი მოწამვლაც იგეგმებოდა - სკრიპალის საქმემ სხვა ყოფილი რუსი ჯაშუში აალაპარაკა

დიდ ბრიტანეთში ГРУ-ის ყოფილი აგენტის სერგეი სკრიპალის მოწამვლამ სხვა ყოფილი რუსი ჯაშუში აალაპარაკა. NBC-თან ინტერვიუში ყოფილმა რუსმა ორმაგმა აგენტმა - ბორის კარპიჩკოვმა განაცხადა, რომ სკრიპალთან ერთად მისი მოკვლაც იგეგმებოდა.

უშუალოდ სკრიპალს კარპიჩკოვი არ იცნობდა.

გამაფრთხილებელი გზავნილი, რომ ის კრემლის სიაში იმყოფებოდა, 59 წლის კარპიჩკოვმა თავის დაბადების დღეზე მიიღო.

ყოფილ ჯაშუშს თებერვლის შუა რიცხვებში მეგობარმა დაურეკა, რომელმაც გააფრთხილა , რომ მისი ლიკვიდაცია იგეგმებოდა.

„ფრთხილად იყავი, გაიხედე ირგვლივ, სავარაუდოდ, რაღაც მოხდება. ეს სერიოზულია და მარტო არ ხარ“, - -უთხრა მეგობარმა კარპიჩკოვს სატელეფონო საუბარში.

კარპიჩკოვი თავიდან ფიქრობდა, რომ ეს ხუმრობა იყო, ჩვეული რუსული შავი იუმორი, თუმცა სკრიპალისა და მისი ქალიშვილი იულიას მოწამვლა მისთვის გაფრთხილება აღმოჩნდა.

კარპიჩკოვი NBC-ის ჟურნალისტებს სასაუბროდ ლონდონის დაქირავებულ სტუდიაში შეხვდა, რადგან არ გათქვა თავისი რეალური ადგილსამყოფელი.

კარპიჩკოვის თქმით, კრემლი ასევე გეგმავდა სახელმწიფო უშიშროების კომიტეტის (КГБ) რამდენიმე ყოფილი აგენტის ლიკვიდაციას, ასევე 35-გვერდიანი დოსიეს ავტორის, ქრისტოფერ სტილის მკვლელობას, რომელმაც დაწერა ტრამპის წინასაარჩევნო კამპანიისა და რუსეთის შეთქმულების შესახებ. გარდა ამისა სიაში იყო შეყვანილი ბილ ბროუდერი, რომელიც აქტიურად მუშაობს რუსეთის წინააღმდეგ სანქციების დაწესებაში.

კარპიჩკოვი ფიქრობს, რომ თუკი თავდასხმის უკან უშუალოდ ვლადიმერ პუტინი არ დგას, ის ორგანიზებული იქნებოდა უშიშროების ფედერალური სამსახურის (ФСБ) მაღალი თანამდებობის პირების მიერ.

თვითონ კარპიჩკოვი, რომელიც 1990-იან წლებში რუსეთის სადაზვერვო სამსახურის საიდუმლო ინფორმაციას დასავლეთის სპეცსამსახურებს აწვდიდა, 2006 წელს თავშესაფარი მიიღო ახალ ზელანდიაში. ის რამდნეიმე წლის წინ მოწამლეს, რამაც მის ჯანმრთელობას სერიოზული ზიანი მიაყენა, მას თმები დასცვივდა და 30 კილოგრამი დაიკლო.

ყოფილი რუსი ორმაგი ჯაშუში სერგეი სკრიპალი და მისი ქალიშვილი, იულია 4 მარტს მოწამლეს ბრიტანეთის ქალაქ სოლსბერიში. გარდა ამისა დაშავდა 20-მდე სამოქალაქო პირი და პოლიციელი. როგორც დადგინდა, სკრიპალის მოსაწამლად რუსეთში გამზადებული ნერვო-პარალეპტიკური გაზი სახელწოდებით ნოვიჩოკი გამოიყენეს.

იულია სკრიპალი გონზე მოვიდა, რაც შეეხება ГРУ-ის ყოფილ აგენტს, მისი ჯანმრთელობის მდგომარეობა კრიტიკული, თუმცა სტაბილურია.

ბრიტანეთის პრემიერ-მინისტრმა ტერეზა მეიმ მომხდარში რუსეთი დაადანაშაულა. ლონდონმა ქვეყნიდან 23 რუსი დიპლომატი გააძევდა და მოსკოვთან ყველა დონის ურთოერთობა გაწყვიტა.

დიდ ბრიტანეთს შეუერთდნენ აშშ, გერმანია, უკრაინა, დანია, საფრანგეთი, ჩეხეთი, ლატვია, ესტონეთი, ლიტვა, იტალია, კანადა, ჰოლანდია, რუმინეთი, ფინეთი, ესპანეთი და ა.შ. სულ დასავლეთმა 100-ზე მეტი რუსი დიპლომატი გააძევა.

სომხეთი: კორონავირუსის 330 ახალი შემთხვევა, 7 პაციენტი გარდაცვლილი

6 ივლისი, 2020 , 12:15

სომხეთში, ბოლო დღე-ღამეში კორონავირუსის 330 ახალი შემთხვევა გამოვლინდა და დაინფიცირებულთა საერთო რაოდენობა 28 936-მდე გაიზარდა. გასული დღე-ღამის განმავლობაში ქვეყანაში „კოვიდ-19“-ს კიდევ 7 ადამიანის სიცოცხლე

რუსეთი: კორონავირუსის 6 611 ახალი შემთხვევა, 135 გარდაცვლილი პაციენტი

6 ივლისი, 2020 , 12:15

რუსეთში ბოლო 24 საათში „კოვიდ-19“-ის 6 611 ახალი შემთხვევა დაფიქსირდა, მათ შორის 1 907 ასიმპტომურია. რუსეთში 135-ით გაიზარდა ლეტალური შემთხვევების რიცხვიც. პანდემიის დაწყებიდან დღემდე, რუსეთში „კოვიდ-19

რუსეთი: კორონავირუსი 6 632 ახალი შემთხვევა, 168 გარდაცვლილი პაციენტი

4 ივლისი, 2020 , 14:05

რუსეთის კორონავირუსის გავრცელებასთან ბრძოლის ოპერატიული შტაბის ინფორმაციით, გასულ დღე-ღამეში რუსეთში „კოვიდ-19“ 6 632 ადამიანს დაუდასტურდა. ეპიდემიის დაწყების შემდეგ რუსეთში კორონავირუსული ინფექციით 674 000-ზ

სომხეთი: კორონავირუსის ი 580 ახალი შემთხვევა, 8 გარდაცვლილი პაციენტი

4 ივლისი, 2020 , 14:05

სომხეთში ბოლო დღე-ღამეში კორონავირუსით ინფიცირების 580 ახალი შემთხვევა გამოვლინდა. ეპიდემიის დაწყების შემდეგ, სომხეთში კორონავირუსული ინფექცია უკვე 27 900 ადამიანს დაუდასტურდა. ბოლო 24 საათში სომხეთში „კოვიდ-19&ldq

მსოფლიოში კორონავირუსით ინფიცირებულთა რაოდენობამ 11 მილიონს გადააჭარბა

4 ივლისი, 2020 , 10:30

მსოფლიოში კორონავირუსით ინფიცირებულთა რაოდენობამ 11 მილიონს გადააჭარბა. ამის შესახებ ინფორმაციას „როიტერი“ ავრცელებს. ვირუსის შედეგად შვიდ თვეში ნახევარ მილიონზე მეტი ადამიანი დაიღუპა. როგორც „როიტერი&l

თურქეთი: კორონავირუსის 1 172 ახალი შემთხვევა, 19 გარდაცვლილი პაციენტი

4 ივლისი, 2020 , 10:30

თურქეთში ბოლო 24 საათში კორონავირუსის 1 172 ახალი შემთხვევა გამოვლინდა. ეპიდემიის დაწყებიდან დღემდე თურქეთში კორონავირუსის 203 450 შემთხვევაა გამოვლენილი, მათგან 178 278 განიკურნა. ბოლო დღე-ღამეში ვირუსს 19 ადამიანი ემსხ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე