უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
სამართალი
შეეცადნენ, კიდევ უფრო მეტი ბუნდოვნება შესძინონ საქმეს- მაჩალიკაშვილების ოჯახის ადვოკატი სამხარაულის ექპერტიზის ეროვნული ბიუროს დასკვნაზე
„სამხარაულის ექპერტიზის ეროვნული ბიუროს ექსპერტები დასკვნაში უტყუარად დადასტურებულ ფაქტად წერენ, რომ თემირლან მაჩალიკაშვილის თავი ვიზირების ხაზის ქვემოთ იყო, რომელიც იყო ბალიშზე ოდნავ წამოწეული, ხოლო სხეულის მდგომარეობას ზუსტად ვერ ადგენენ“, - ამის შესახებ თემირლან მაჩალიკაშვილის ოჯახის ადვოკატმა, მარიამ კუბლაშვილმა თბილისის პროკურატურიდან გამოსვლის შემდეგ განაცხადა, სადაც ის სამხარაულის ექპსერტიზის ეროვნული ბიუროს მიერ ჩატარებული კომპლექსური ექსპერტიზის დასკვნას გაეცნო.
ადვოკატის განცხადებით, მსგავსი დასკვნით შეეცადნენ, საქმისთვის კიდევ უფრო მეტი ბუნდოვანება შეეძინათ.
„ამით ისინი შეეცადნენ, კიდევ უფრო მეტი ბუნდოვნება შესძინონ საქმეს.
ჩატარდა კომპლექსური ექსპერტიზა და სრულად შეჯამდა საქმის მასალები, ყველა კვლევა, ყველა ექსპერტიზა, რაც საქმის მასალებში იყო. კითხვაზე, თუ რა მდგომარეობაში იყო თემირლან მაჩალიკაშვილი ცეცხლნასროლი დაზიანების მიყენების მომენტში, დამოუკიდებელმა ექსპერტებმა- მაია ნიკოლეიშვილმა და ზაზა ალთუნაშვილმა პირდაპირ გასცეს, სადაც ვიზირების ხაზი დააფიქსირეს. ვიზირების ხაზი გულისხმობს მსროლელიდან ლოგინის ფრაგმენტზე გასულ სწორ ხაზს. მაია ნიკოლეიშვილისა და ზაზა ალთუნაშვილის დასკვნით, თემირლან მაჩალიკაშვილის მდგომარეობა იყო ვიზირების ხაზის ქვემოთ, ანუ თავი იყო ლოგინის ქვეშ,მისი სხეულის მდგომარეობა იყო ვიზირების ხაზის გასწვრივ. ხოლო სამხარაულის ექსპერტიზის ეროვნული ბიუროს ექსპერტები სხეულის მდგომარეობას ვერ ადგენენ. თუმცა, უტყუარად დადასტურებულს თვლიან, რომ თემირლან მაჩალიკაშვილის თავი იყო ვიზირების ხაზის ქვემოთ, ლოგინის თავთან, ანუ თავის მდგომარეობას ზუსტად გვიდგენენ, თუმცა, სად იყო მისი სხეული, ვგულისხმობ ფეხს, ტანს, გულ-მკერდს, მარცხნივ იყო გადახრილი თუ მარჯვნივ, ამას ვერ ადგენენ. თუმცა, მთავარი ფაქტია, სად იყო თავი, თუ სხეული მოძრაობს, უპირველეს ყოვლისა, თავს წამოწევდა წინააღმდეგობის გასაწევად", - განაცხადა კუბლაშვილმა.
მან პროკურატურასა და საქმის მწარმოებელ გამომძიებელს მოუწოდა, სამართლიანი გადაწყვეტილება მიიღონ და იმ ექსპერტების დასკვნას დაეყრდნონ, რომლებმაც სროლისას მაჩალიკაშვილის სხეულის მდგომარეობა განსაზღვრეს.
„სამხარაულის ბიუროს ექსპერტებს პირდაპირ უნდა დაეწერა ის, რაც გაბედეს და დამოუკიდებელმა ექსპერტებმა დაწერეს. საბედნიეროდ, გვაქვს მნიშვნელოვანი მტკიცებულება, რომელიც ვერ განადგურდა და ვერ შეიცვალა, ეს არის ლოგინის თავი, სადაც პირდაპირ არის დაზიანება.
მოვუწოდებ პროკურატურას, გამომძიებელს, ამ საქმის ხელმძღვანელ პირებს, რომ სამართლიანი გადაწყვეტილება მიიღონ და იმ ექსპერტების უტყუარ გადაწყვეტილებას დაეყრდნოს, რომლებმაც დაწერეს, თუ რა მდგომარეობაში იყო თემირლანი", - განაცხადა ადვოკატმა.