მსოფლიო

შეიძლება, პუტინს ისევ შეხვდე - დონალდ ტრამპი

აშშ-ის პრეზიდენტ დონალდ ტრამპის განცხადებით, ის შეიძლება შეხვდეს რუსეთის პირველ პირს, ვლადიმერ პუტინს ვიეტნამში, აზია-წყნარი ოკეანის ეკონომიკური თანამშრომლობის სამიტზე. ამის შესახებ მან Fox News-ის ინტერვიუში თქვა.

ტრამპის შეფასებით, რუსეთს შეუძლია აშშ-ის დახმარება ჩრდილოეთ კორეის კრიზისში.

„გვქონდა პუტინთან შეხვედრა. შეიძლება ისევ მოხდეს. პუტინი ძალიან მნიშვნელოვანია, რადგან მათ [რუსეთს] შეუძლიათ, დაგვეხმარონ ჩრდილოეთ კორეასთან, ასევე სირიასთან, ჩვენ უნდა ვილაპარაკოთ უკრაინაზე“, - აღნიშნა ტრამპმა.

აღნიშნული სამიტი ვიეტნამის ქალაქ დანანგში გაიმართება 6-დან 11 ნოემბრის ჩათვლით.

ანა მებურიშვილი